Ótken aptanyń ishinde álem boiynsha 4,1 mln astam adam koronavirýs juqtyryp, 44 myńnan astamy qaitys boldy. Dúniejúzilik densaýlyq saqtaý uiymy (DDU) taratqan málimetke sai, virýs juqtyrý jańa oqiǵalarynyń sany aldyńǵy aptamen salystyrǵanda 2 paiyz, al odan bolǵan ólim oqiǵalary – 9 paiyz qysqardy, dep habarlaidy QazAqparat.
DDU-nyń apta saiynǵy epidemiologiialyq biýlleteninde keltirilgen statistikalyq málimet boiynsha, 13-19 jeltoqsan aralyǵynda qaýipti virýs juqtyrǵan 4 177 622 adam anyqtalyp, 44 616 ólim oqiǵasy anyqtaldy. Bul aldyńǵy aptaǵa qaraǵanda tiisinshe 2 jáne 9 paiyz az.
Sonymen birge, Afrikada koronavirýs juqtyrýdyń (53 paiyz) jáne odan bolǵan ólim oqiǵalary sanynyń (15 paiyz) aitarlyqtai ósimi tirkeldi. Afrikadan basqa, aýrý juqtyrý deńgeii Batys-Tynyq muhity aimaǵynda da ósken (12 paiyz).
Qaýipti virýske shaldyǵý oqiǵalarynyń 63 paiyzy Eýropada tirkelgen, al odan bolǵan ólim oqiǵalary 60 paiyzdy qurap otyr. Sonymen birge, onda aýrý juqtyrý deńgeii 3 paiyz, al ólim-jitim deńgeii – 7 paiyz qysqarǵan. Amerikada koronavirýs juqtyrý jańa oqiǵalarynyń sany 10 paiyz, al Ońtústik-Shyǵys jáne Shyǵys Jerorta teńizi aimaǵynda – 12 paiyz qysqardy.
