قيراعان پەرزەنتحانا ماڭىندا تۇرعان ەيەل. ماريۋپول, 9 ناۋرىز 2022 جىل.
ۋكراينادا سوعىس باستالعالى بەرٸ دەنساۋلىق ساقتاۋ مەكەمەلەرٸنە كەمٸندە 43 رەت شابۋىل جاسالدى, 12 ادام قازا بولدى. دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) باسشىسى تەدروس گەبرەيەسۋس بۇۇ-نىڭ قاۋٸپسٸزدٸك كەڭەسٸندە وسىلاي دەپ مەلٸمدەدٸ. بۇل تۋرالى ازاتتىق راديوسى حابارلايدى.
رەسەيدٸڭ ۋكرايناداعى ەسكەري اگەرسسيياسىنا ارنالعان قاۋٸپسٸزدٸك كەڭەسٸنٸڭ وتىرىسى بەيسەنبٸ كٷنٸ نيۋ-يوركتا ٶتتٸ.
"قانداي جاعداي بولماسىن, دەنساۋلىق ساقتاۋ مەكەمەلەرٸنە شابۋىلداۋ – حالىقارالىق گۋمانيتارلىق قۇقىقتى بۇزۋ بولىپ ەسەپتەلەدٸ" دەدٸ ددسۇ باسشىسى.
ول قازٸر ورىس ەسكەرٸنٸڭ قورشاۋىندا قالعان سۋمى جەنە ماريۋپول قالالارىنا گۋمانيتارلىق كٶمەك جەتكٸزۋدە قيىندىقتار تۋىنداپ جاتقانىن ايتتى.
قاۋٸپسٸزدٸك كەڭەسٸنٸڭ وتىرىسىندا باتىس ەلدەرٸ رەسەيدٸڭ ەرەكەتٸن سىنعا الىپ, مەسكەۋدٸ تەز ارادا سوعىستى توقتاتۋعا شاقىردى.
بەيسەنبٸ كٷنٸ اقش مەملەكەتتٸك حاتشىسى ەنتوني بلينكەن مەن ەۋروپا وداعىنىڭ سىرتقى ساياسات مەكەمەسٸنٸڭ باسشىسى دجوزەپ بوررەل رەسەيدٸ ۋكراينادا ەسكەري قىلمىس جاساپ جاتىر دەپ ايىپتادى.
بلينكەن رەسەي پرەزيدەنتٸ ۆلاديمير پۋتيندٸ "ەسكەري قىلمىسكەر" دەپ اتاعان اقش ليدەرٸ دجو بايدەننٸڭ ايتقاندارىمەن تولىق كەلٸسەتٸنٸن جەتكٸزدٸ.
مەملەكەتتٸك حاتشى سٶزٸندە ماريۋپولداعى ادامدار جاسىرىنىپ وتىرعان دراما تەاترعا جاسالعان سوققىنى جەنە چەرنيگوۆ قالاسىندا 10 بەيبٸت تۇرعىننىڭ قازا بولعانىن ەسكە سالدى. بلينكەننٸڭ سٶزٸنە قاراعاندا, سوعىستىڭ ٷش اپتاسىندا رەسەي ەسكەرٸنٸڭ ازاماتتىق نىساندارعا سوققى بەرٸپ جاتقانى ايقىندالعان. دەگەنمەن مەسكەۋ مۇنى جوققا شىعارىپ كەلەدٸ. اقش-تا ەسكەري قىلمىس جاسالعانىن دەلەلدەيتٸن ايعاقتار جينالىپ جاتىر.
