وڭتٷستٸك سۋداندا سۋ تاسقىنىنان زارداپ شەككەن اۋدان.
دٷنيەجٷزٸلٸك دەنساۋلىق ساقتاۋ ۇيىمى جەدەل قيمىلداۋ توبىن وڭتٷستٸك سۋدانعا جٶنەلتتٸ, بۇعان دەيٸن ول جاقتا "بەلگٸسٸز اۋرۋدان 89 ادامنىڭ قايتىس بولعانى" تۋرالى اقپارات تاراعان. بۇل جٶنٸندە بريتاندىق BBC اگەنتتٸگٸ حابارلادى.
العاشقى سىناق نەتيجەسٸ اۋرۋدىڭ تىرىسقاق (حولەرا) ەمەس ەكەنٸن كٶرسەتكەن. كٶز جۇمعان ادامداردىڭ بارلىعى ەلدٸڭ شىعىسىنداعى دجونگل شتاتىندا تۇرعان. جۋىردا بۇل اۋماقتا ٸرٸ سۋ تاسقىنى بولىپ, تۇرعىندار زارداپ شەككەن. ماماندار ونى سوڭعى 60 جىلداعى ەڭ ٸرٸ سەل اپاتى دەپ اتاعان.
ددسۇ ساراپشىلارى زەرتتەۋ جٷرگٸزٸپ, اۋرۋدىڭ تاراۋ قاۋپٸن باعالاۋى تيٸس دەدٸ ۇيىم ٶكٸلٸ اگەنتتٸككە.
مامىر ايىنان بەرٸ وڭتٷستٸك سۋداندا جارتى ميلليونعا جۋىق ادام سۋ تاسقىنىنىڭ سالدارىنان ٷيلەرٸن تاستاپ قاشۋعا مەجبٷر بولعان.
