Ońtústik Sýdanda sý tasqynynan zardap shekken aýdan.
Dúniejúzilik densaýlyq saqtaý uiymy jedel qimyldaý tobyn Ońtústik Sýdanǵa jóneltti, buǵan deiin ol jaqta "belgisiz aýrýdan 89 adamnyń qaitys bolǵany" týraly aqparat taraǵan. Bul jóninde britandyq BBC agenttigi habarlady.
Alǵashqy synaq nátijesi aýrýdyń tyrysqaq (holera) emes ekenin kórsetken. Kóz jumǵan adamdardyń barlyǵy eldiń shyǵysyndaǵy Djongl shtatynda turǵan. Jýyrda bul aýmaqta iri sý tasqyny bolyp, turǵyndar zardap shekken. Mamandar ony sońǵy 60 jyldaǵy eń iri sel apaty dep ataǵan.
DDSU sarapshylary zertteý júrgizip, aýrýdyń taraý qaýpin baǵalaýy tiis dedi uiym ókili agenttikke.
Mamyr aiynan beri Ońtústik Sýdanda jarty millionǵa jýyq adam sý tasqynynyń saldarynan úilerin tastap qashýǵa májbúr bolǵan.
