وڭتٷستٸك افريكا عالىمدارى كوروناۆيرۋستىڭ ٶتە تەز جۇعاتىن جەنە مۋتاتسيياعا جىلدام ۇشىرايتىن شتامى انىقتالعانىن حابارلادى. عالىمدار بۇل ۆاريانتتى ۆاكتسينانىڭ ٶزٸ دە تەجەي الماۋى مٷمكٸن دەپ قاۋٸپتەنەدٸ. جاڭا شتامدى قاداعالاپ وتىرعان دٷنيەجٷزٸلٸك دەنساۋلىق ساقتاۋ ۇيىمى (ددسۇ) 26 قاراشادا تٶتەنشە جيىن ٶتكٸزەتٸنٸن مەلٸمدەدٸ. وندا جاڭا نۇسقانىڭ تارالۋ مەسەلەسٸ تالقىلانادى.
"ۆيرۋس مۋتاتسيياعا كٶپ ۇشىراعان كەزدە تارالۋ سيپاتى ٶزگەرەدٸ. بۇل الاڭداتارلىق جاعداي" دەدٸ ددسۇ ٶكٸلٸ مارييا ۆان كەركحوۆە.
B.1.1.529 دەپ انىقتالعان جاڭا ۆاريانت مۋتاتسيياعا ەڭ كٶپ ۇشىرايتىن ۆيرۋس نۇسقاسى رەتٸندە تانىلىپ وتىر. ۆاريانت وڭتٷستٸك افريكانىڭ سولتٷستٸگٸندەگٸ حاۋتەنگ پروۆينتسيياسىندا تارالعان. بۇل ايماققا يوحاننەسبۋرگ پەن وار استاناسى پرەتورييا دا كٸرەدٸ.
وڭتٷستٸك افريكانىڭ ٸندەتپەن كٷرەس جەنە يننوۆاتسييا ورتالىعىنىڭ ديرەكتورى, پروفەسسور تۋليو دە وليۆەيرانىڭ ايتۋىنشا, جاڭا ۆاريانت مۋتاتسيياعا ۇشىراۋ دەڭگەيٸ جاعىنان مامانداردى شىنىمەن دە الاڭداتىپ وتىر. ۆيرۋسولوگ بەيسەنبٸلٸك ونلاين بريفينگ كەزٸندە ۆاريانتتىڭ ەزٸرگە 50 مۋتاتسيياسى انىقتالعانىن ايتتى.
ۇلىبريتانييا ٷكٸمەتٸ 26 قاراشادان باستاپ وڭتٷستٸك افريكا مەن افريكانىڭ ٶزگە دە بەس مەملەكەتٸنەن كەلەتٸن ۇشاقتارعا تىيىم سالدى.
مۋتاتسييالاردىڭ ەدەۋٸر بٶلٸگٸ "بيولوگييالىق تۇرعىدا ماڭىزدى, ولار ۆيرۋستىڭ ەكپە, ەمدەۋ مەن تارالۋىنا قاتىستى ەرەكەتٸن ٶزگەرتە الادى" دەدٸ ۇلىبريتانييانىڭ دەنساۋلىقتى ساقتاۋ اگەنتتگٸ.
