دٷنيەجٷزٸلٸك دەنساۋلىق ساقتاۋ ۇيىمى قازاقستان عالىمدارى ەزٸرلەگەن كوروناۆيرۋسقا قارسى QazCovid-in (QazVac) ۆاكتسيناسىن قاشان تٸركەۋٸ مٷمكٸن? بۇل ساۋالعا بيولوگييالىق قاۋٸپسٸزدٸك مەسەلەلەرٸ جٶنٸندەگٸ عىلىم-زەرتتەۋ ينستيتۋتىنىڭ باس ديرەكتورى كٷنسۇلۋ زاكارييا جاۋاپ بەردٸ, دەپ حابارلايدى قازاقپارات تٸلشٸسٸ.
«دٷنيەجٷزٸلٸك دەنساۋلىق ساقتاۋ ۇيىمىنا ٶتٸنٸم بەرٸپ قويدىق. پروتسەدۋرا كٷردەلٸ ەرٸ ۇزاققا سوزىلادى, قۇجاتتاردى دايىن بولۋىنا قاراي ۇسىنامىز. بٷگٸندە بۇل مەسەلەگە وراي ەلٸمٸزدٸڭ سىرتقى ٸستەر مينيسترلٸگٸ ٷلكەن كٶمەك كٶرسەتٸپ جاتىر. سونىمەن قاتار دەنساۋلىق ساقتاۋ مينيسترلٸگٸنەن دە كەڭەس الىپ وتىرمىز», - دەدٸ دەدٸ ول قازاقپارات تٸلشٸسٸنە تەلەفون ارقىلى بەرگەن سۇحباتىندا.
ونىڭ اتاپ ٶتۋٸنشە, قازاقستانداعى اقش ەلشٸلٸگٸ قازاقستاندىق تاراپقا كونسۋلتانتىنىڭ قىزمەتٸن ۇسىنعان.
«ول بٸزگە ۆاكتسينامىزدى تٸركەۋ مەسەلەسٸ بويىنشا كەڭەس بەرەدٸ. ياعني, بۇل مەسەلەدە بٸرنەشە تاراپ, اتاپ ايتقاندا سىرتقى ٸستەر مينيسترلٸگٸ, دەنساۋلىق ساقتاۋ مينيسترلٸگٸ, قازاقستانداعى اقش ەلشٸلٸگٸ جەنە بٸزدٸڭ ينستيتۋت تىعىز جۇمىس ٸستەپ جاتىر», - دەدٸ ينستيتۋت باسشىسى.
سونىمەن قاتار ول قازاقستان ۆاكتسيناسىن تٸركەۋ پروتسەدۋراسى قانشا ۋاقىتقا سوزىلۋى مٷمكٸن ەكەندٸگٸن دە ايتتى.
«تٸركەۋ مەسەلەسٸندە ۋاقىت شەكتەۋٸ جوق. مۇنىڭ بارلىعى قۇجاتتارىمىزدىڭ ساپاسىنا بايلانىستى. ەگەر ولاردىڭ كٶڭٸلٸنەن شىقسا, تالاپتارى مەن نورمالارىنا ساي كەلسە, وندا مەسەلە تەزٸرەك شەشٸلەدٸ», - دەدٸ كٷنسۇلا زاكارييا.
