جاڭبىر, كٷشتٸ جەل سالدارىنان ۋكراينانىڭ سەگٸز وبلىسىنداعى 339 ەلدٸ مەكەندە ەلەكتر قۋاتى ٶشٸپ قالدى, دەپ حابارلايدى "ۇلت اقپارات" ۋكرينفورم-گە سٸلتەمە جاساپ.
ۋكراينادا اۋا-رايى قولايسىزدىعىنىڭ سالدارىنان سەگٸز وبلىستاعى 339 ەلدٸ مەكەن ەلەكتر قۋاتىنسىز قالدى, 20 عيماراتتىڭ شاتىرى قيراپ, التى تۇرعىن ٷي مەن 34 اۋلانى سۋ باسقان. 163 اعاش قۇلاعان.
«7 تامىز كٷنٸ ساعات 7-دە اۋا-رايىنىڭ بۇزىلۋىنا (جاڭبىر, نايزاعاي, جەل ەكپٸنٸ) بايلانىستى سەگٸز وبلىستاعى 339 ەلدٸ مەكەن (پولتاۆا وبلىسىندا 78, چەركاستا – 59, چەرنيگوۆ – 55, ودەسسا – 47, سۋم – 40, حمەلنيتسك – 28, كيروۆوگرادتا – 24 جەنە نيكولاەۆ وبلىسىندا 8) ەلەكتر توعىنان اجىراپ قالدى. ەلەكتر بەرۋدٸ قالپىنا كەلتٸرۋ ٷشٸن وبلىستىق ەنەرگەتيكا بريگادالارى جۇمىلدىرىلعان», - دەلٸنگەن ۋكراينانىڭ تٶتەنشە جاعدايلار بويىنشا مەملەكەتتٸك قىزمەتٸنٸڭ حابارلاماسىندا.
سونىمەن قاتار, داۋىل جەل 20 عيماراتتىڭ شاتىرىن زاقىمداعان, نٶسەر جاڭبىر سالدارىنان التى تۇرعىن ٷي مەن 34 جەكە ٷيدٸ سۋ باسقان جەنە 163 اعاش قۇلاعان, تابيعاتتىڭ وقىس مٸنەزٸنەن ادامدار زارداپ شەكپەگەن.
قۇتقارۋشىلار 2 مىڭ 486 تەكشە مەتر سۋدى سورعىزىپ, قۇلاعان اعاشتاردى كەسٸپ, جينادى. جۇمىس اياقتالدى. وعان ۋكراينانىڭ تٶتەنشە جاعدايلار بويىنشا مەملەكەتتٸڭ قىزمەتٸنٸڭ 204 قىزمەتكەرٸ مەن 61 تەحنيكاسى جۇمىلدىردى.
