Jańbyr, kúshti jel saldarynan Ýkrainanyń segiz oblysyndaǵy 339 eldi mekende elektr qýaty óship qaldy, dep habarlaidy "Ult aqparat" Ýkrinform-ge silteme jasap.
Ýkrainada aýa-raiy qolaisyzdyǵynyń saldarynan segiz oblystaǵy 339 eldi meken elektr qýatynsyz qaldy, 20 ǵimarattyń shatyry qirap, alty turǵyn úi men 34 aýlany sý basqan. 163 aǵash qulaǵan.
«7 tamyz kúni saǵat 7-de aýa-raiynyń buzylýyna (jańbyr, naizaǵai, jel ekpini) bailanysty segiz oblystaǵy 339 eldi meken (Poltava oblysynda 78, Cherkasta – 59, Chernigov – 55, Odessa – 47, Sým – 40, Hmelnitsk – 28, Kirovogradta – 24 jáne Nikolaev oblysynda 8) elektr toǵynan ajyrap qaldy. Elektr berýdi qalpyna keltirý úshin oblystyq energetika brigadalary jumyldyrylǵan», - delingen Ýkrainanyń tótenshe jaǵdailar boiynsha memlekettik qyzmetiniń habarlamasynda.
Sonymen qatar, daýyl jel 20 ǵimarattyń shatyryn zaqymdaǵan, nóser jańbyr saldarynan alty turǵyn úi men 34 jeke úidi sý basqan jáne 163 aǵash qulaǵan, Tabiǵattyń oqys minezinen adamdar zardap shekpegen.
Qutqarýshylar 2 myń 486 tekshe metr sýdy sorǵyzyp, qulaǵan aǵashtardy kesip, jinady. Jumys aiaqtaldy. Oǵan Ýkrainanyń tótenshe jaǵdailar boiynsha memlekettiń qyzmetiniń 204 qyzmetkeri men 61 tehnikasy jumyldyrdy.
