قر پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ ەلٸمٸزدەگٸ مونوقالالاردىڭ تاعدىرىنا قاتىستى ٶز پٸكٸرٸن بٸلدٸردٸ, دەپ حابارلايدى قازاقپارات.
«مونوقالالار كەڭەس دەۋٸرٸنەن قالعان مۇرا دەسەك بولادى جەنە ول قالالار جوسپارلى ەكونوميكا ساياساتىنا ساي قۇرىلعان. تەۋەلسٸزدٸك العالى زامان ٶزگەردٸ, تيٸسٸنشە مونوقالالاردى باسقارۋ پرينتسيپٸ دە ٶزگەرۋٸ تيٸس. بٷگٸنگٸ تاڭدا مونوقالالاردىڭ پروبلەماسى كٶپ. قازٸرگٸ ۋاقىتتا ەلٸمٸزدە 27 مونوقالادا 1,5 ملن ادام تۇرىپ جاتىر. ول قالالاردىڭ بٷگٸنگٸ سيپاتى حالىقتىڭ جاپپاي كٶشۋٸ, ەلەۋمەتتٸك دەپرەسسييا, جۇمىسسىزدىق تا بار. وعان ازىپ-توزعان كوممۋنالدىق ينفراقۇرىلىمدى قوسىڭىز», - دەدٸ دەۋرەن اباەۆ «حابار» تەلەارناسىندا ٶتكەن «اشىق ديالوگ» سۇحباتىنىڭ كەزەكتٸ سانىندا.
ونىڭ ايتۋىنشا, كەيبٸر مونوقالالاردى اسىراپ وتىرعان تابيعي رەسۋرستار قورى ازايىپ بارادى.
«سوندىقتان پرەزيدەنت مەسەلەنٸ بٷگٸننەن قولعا الىپ, بولاشاعى جوق مونوقالالاردىڭ تۇرعىندارىن ٸرٸ قالالارعا كٶشٸرۋدٸ ۇسىنىپ وتىر. ەرينە, ول ٷشٸن الدىمەن جاعداي جاساۋ كەرەكتٸگٸن ۇمىتپاعان جٶن. بٸراق تۇرعىنداردى كٶشٸرۋ مەسەلەسٸ بارلىق مونوقالالارعا قاتىستى ەمەس. دامۋ بولاشاعى زور مونوقالالار دا بار. ەلەۋەتٸ بار قالالار ٷشٸن ارنايى دامۋ جوسپارى قابىلدانىپ, ەسٸرەسە ەكونوميكاسىن ەرتاراپتاندىرۋ باعىتى بويىنشا شارا قولعا الىنادى. كەيبٸر مونوقالالار ٸرٸ قالالاردىڭ ماڭىندا ورنالاسقان, ونداي قالالار اگلومەراتسييا پرينتسيپٸ بويىنشا ٶركەندەي تٷسەتٸن بولادى», - دەيدٸ ول.
سونداي-اق, قر پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى مەملەكەت باسشىسى مونوقالالارعا قاتىستى اۋقىمدى تالداۋ جۇمىسىن جٷرگٸزۋدٸ تاپسىرعانىن ايتتى.
تالداۋدىڭ نەتيجەسٸندە مونوقالالار ساناتقا بٶلٸنٸپ, ول تۋرالى باق بەتتەرٸندە حابارلاناتىن بولادى.
