قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ مەملەكەتتٸك ماراپاتتاردىڭ «قۇنسىزدانۋى» تۋرالى پٸكٸر بٸلدٸردٸ, دەپ حابارلايدى قازاقپارات.
«ەۋەلٸ ايتاتىنىم, ماراپاتتاردىڭ بەرٸنٸڭ دەرەجە-دەڭگەيٸ بولادى. مۇنى ماراپات دەۆالۆاتسييالانىپ بارا جاتىر دەگەن ۋەجگە قاتىستى ايتىپ وتىرمىن. ساناۋلى عانا ادامدارعا بەرٸلەتٸن وردەندەر مەن مەدالدەر بار. ونداي ماراپات جىل سايىن بەرٸلٸپ جاتقان دا جوق. مەرەيتوي مەدالدەرٸنٸڭ جٶنٸ باسقا. ونداي ماراپات ەلٸمٸزدٸڭ دامۋىنا ەلەۋلٸ ٷلەس قوسىپ جٷرگەن تٷرلٸ سالاداعى, تٷرلٸ ٶڭٸردەگٸ بٸرتالاي قايراتكەرگە بۇيىرادى», - دەدٸ ول «اشىق ديالوگ» سۇحباتىندا.
ونىڭ پايىمىنشا, مەملەكەت بەرگەن ماراپاتتاردىڭ قۇنى قاتارداعى كەسٸبي مامانداردىڭ ەڭبەگٸ تۇرعاندا ەشقاشان تٷسپەيدٸ.
«ٶزٸڭٸز جاي عانا ەلەستەتٸپ كٶرٸڭٸز. 30 جىل ەڭبەك ٶتٸلٸ بار, ازامات دەگەن اتقا لايىق جٷزدەگەن ادامدى تەربيەلەگەن مۇعالٸمگە «مەدالٸڭٸز قۇنسىزدانىپ كەتتٸ, باعاسى قالعان جوق» دەگەندٸ تٷسٸندٸرٸپ كٶرٸڭٸز. وسىنداي جٷزدەگەن مۇعالٸمدٸ ماراپاتتادىق. دەل وسى ۋەجدٸ ٶمٸر بويى كەسٸپورىنداردا نەمەسە اۋىل شارۋاشىلىعىندا ەڭبەك ەتكەن «ەڭبەك داڭقى» وردەنٸنٸڭ 126 كاۆالەرٸنە ايتىپ كٶرٸڭٸز. نەمەسە 133 ەڭبەك ارداگەرٸنە, پاندەمييامەن ەلٸ كٷرەسٸپ جاتقان جٷزدەگەن دەرٸگەرگە ايتىپ كٶرٸڭٸز. بۇل ماراپاتتار – ولاردىڭ ٶلشەۋسٸز ەڭبەگٸ مەن قىزمەتٸنە قوعام مەن مەملەكەتتٸڭ كٶرسەتكەن قۇرمەتٸ», -دەدٸ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى.
