قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ قازاقستان مەن فرانتسييا اراسىنداعى اتىشۋلى فۋتبول ماتچى تۋرالى پٸكٸر بٸلدٸردٸ, دەپ حابارلايدى قازاقپارات.
«13 قاراشادا پاريجدە فرانتسييا - قازاقستان فۋتبول ماتچى ٶتتٸ, وندا قازاقستان 8:0 ەسەبٸمەن ويسىراي جەڭٸلدٸ. مۇنى بٸزدٸڭ وتانداستارىمىز ٶتە اۋىر قابىلدادى. كٶپشٸلٸگٸ ەلٸمٸزدەگٸ فۋتبولدى قارجىلاندىرۋدى توقتاتۋدى تالاپ ەتتٸ», - دەدٸ «حابار» ارناسىندا «اشىق ديالوگ» باعدارلاماسىنىڭ جٷرگٸزۋشٸسٸ دەۋرەن اباەۆقا.
«يە, وسى ماتچ قورىتىندىسىنا جاۋاپ قاتقاندار كٶپ بولدى. ەرينە ٷلكەن ەسەپپەن جەڭٸلۋ ٶتە اۋىر. قۇرامانىڭ ٶزٸ بارلىق وقيعادان قورىتىندى شىعارادى دەپ ويلايمىن. ەشكٸمدٸ سىناعىم كەلمەيدٸ. جٸگٸتتەر ونسىز دا كٶپ نەرسە ەستٸدٸ – ەسٸرەسە جاعىمسىز پٸكٸرلەر كٶپ بولدى. الدا قىرۋار جۇمىس بار. ەڭسەنٸ تٷسٸرمەۋ كەرەك. بۇل رەتتە ٸرٸكتەۋ كەزەڭٸندە قۇرامامىز جاقسى ويىن كٶرسەتتٸ. ۋكراينامەن ەكٸ ماتچتا, بوسنييا جەنە گەرتسەگوۆينامەن قوناق ماتچىن ويناعاندا بەرٸمٸز قۋانىپ, قول شاپالاقتادىق. ەرينە, بۇل دەڭگەي اۋا رايىنا, ٶتەتٸن ورنىنا, كٷنتٸزبەلٸك جٷكتەمەگە قاراماستان ٷنەمٸ ساقتالۋى كەرەك. وسىنداي دەڭگەيگە ٷنەمٸ ۇمتىلۋ قاجەت. فۋتبول فەدەراتسيياسى دا, قازاقستان قۇراماسى دا مۇنى جاقسى تٷسٸنەدٸ», - دەدٸ قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى.
سونىمەن بٸرگە اباەۆ فۋتبولدى قارجىلاندىرۋعا قاتىستى سۇراققا جاۋاپ بەردٸ.
«بۇل جەردە پرەزيدەنت كەسٸبي سپورتتى قولداۋدان بۇقارالىق بالالار سپورتىنا باسا نازار اۋدارۋدى تاپسىردى. بۇل باعىتتاعى جۇمىس قازٸردٸڭ ٶزٸندە جٷرٸپ جاتىر. بٸراق بٸز قازاقستاندىق فۋتبولدى قولداۋدان تولىق باس تارتۋعا بولمايتىنىن تٷسٸنۋٸمٸز كەرەك. فۋتبول – ەلەمدەگٸ ەڭ تانىمال سپورت تٷرٸ. فۋتبولدى ەلەمەي, بۇقارالىق جەنە بالالار سپورتىن دامىتۋ مٷمكٸن ەمەس شىعار. ٶيتكەنٸ, ەڭ دارىندى بالالار ٷشٸن كەسٸبي كلۋبتاردا ويناۋ جاقسى ىنتالاندىرۋ بولار ەدٸ», - دەدٸ ول.
