«ۇلىق ۇلىس - التىن وردا: باستاۋى, تاريحى جەنە مۇراسى» اتتى حالىقارالىق عىلىمي-تەجٸريبەلٸك كونفەرەنتسيياعا قاتىسقان پرەزيدەنت ەكٸمشٸلٸگٸ جەتەكشٸسٸنٸڭ بٸرٸنشٸ ورىنباسارى دەۋرەن اباەۆ التىن وردا ٶركەنيەتٸ دٸن مەن عىلىمدى بٸر-بٸرٸنە قارسى قويماي دامىتقانى تۋرالى دەرەكتەر كەلتٸردٸ, دەپ حابارلايدى "ۇلت اقپارات".
«التىن وردادا مەملەكەتتٸك باسقارۋ مەن لوگيستيكانىڭ تيٸمدٸ جٷيەسٸ قۇرىلعانى تاريحتان بەلگٸلٸ. سونىڭ بٸرٸ – جەمشٸك قىزمەتٸ. ول كەيٸننەن بٸرنەشە عاسىر بويى رەسەيدە كەڭٸنەن قولدانىلدى. سونداي-اق «دارۋعا» دەپ اتالاتىن ازاماتتىق ەكٸمشٸلٸكتٸڭ جٷيەلٸ جۇمىسى دا وسىعان مىسال بولا الادى», - دەدٸ پرەزيدەنت ەكٸمشٸلٸگٸنٸڭ ٶكٸلٸ.
سونداي-اق, ول التىن وردا يمپەريياسىندا قالىپتاسقان عىلىم-بٸلٸم عۇرپى سوڭىندا قالعان مەملەكەتتەرگە ٷلكەن مۇرا قالدىرعانىن ايتتى.
«ٶزبەك پەن جەنٸبەك حانداردىڭ بيلٸك قۇرعان ۋاقىتىندا التىن ورداعا كٶپتەگەن ەلدەن عالىمدار اعىلىپ كەلٸپ جاتقانى كٶپشٸلٸككە ايان. سونىمەن بٸرگە قانشاما مەدرەسەلەر سالىنىپ, ول جەردە تەك دٸني ٸلٸم ەمەس, ماتەماتيكا, مەديتسينا جەنە باسقا دا عىلىمدار ٷيرەتٸلگەن», - دەدٸ دەۋرەن اباەۆ.
ونىڭ پايىمىنشا, قازٸر ەۋرازييا كەڭٸستٸگٸندەگٸ ەلدەردٸڭ قوعامدى ۇيىستىرۋعا پايدالانىپ وتىرعان ديالوگ مەدەنيەتٸ دە سول كەزەڭنەن مۇرا بوپ جەتكەن.
«ەۋرازييا كٸندٸگٸندە ورىن تەپكەن الىپ يمپەرييا – التىن وردانىڭ قۇرامىندا و باستان-اق تٸلٸ, دٸني سەنٸمٸ مەن سالت-دەستٷرٸ ەرتٷرلٸ حالىقتار ٶمٸر سٷردٸ. ولاردىڭ ەكٸ عاسىر بويى بٸر مەملەكەتتە بٸرگە تٸرشٸلٸك ەتۋٸ ديالوگ مەدەنيەتٸنٸڭ, رۋحاني بايلىقتىڭ جەنە ٶزگەگە دەگەن قۇرمەتتٸڭ كٶركەم ٷلگٸسٸنە ۇلاستى.ەتنوسارالىق قاتىناستاردى رەتتەۋ, بٸرتۇتاس ازاماتتىق ۇلت قۇرۋ ٸسٸنٸڭ قازاقستاندىق مودەلٸنەن التىن وردالىق قاعيداتتى كٶرۋگە بولادى. مۇندا بٸرلٸك – بٸركەلكٸلٸك دەگەندٸ بٸلدٸرمەيدٸ», - دەيدٸ پرەزيدەنت ەكٸمشٸلٸگٸ جەتەكشٸسٸنٸڭ بٸرٸنشٸ ورىنباسارى.
