قر اقپارات جەنە كوممۋنيكاتسييالار مينيسترٸ دەۋرەن اباەۆ ٶز باسقاراتىن ۆەدومستۆونىڭ ٶتكەن جىلى اتقارعان نەگٸزگٸ جۇمىستارىنا توقتالدى, دەپ حابارلايدى قازاقپارات.
«حالقىمىزدا «ەسكٸ جىل ەسٸركە, جاڭا جىل جارىلقا» دەگەن اتالى سٶز بار. راس, 2018 تٷرلٸ وقيعالار مەن جاڭالىققا تولى جىل بولدى. بٸراز شارۋا اتقارىلدى, ٸرگەلٸ ٸستەر يگەرٸلدٸ. اقپارات جەنە كوممۋنيكاتسييالار مينيسترلٸگٸنٸڭ بٸر جىلداعى نەگٸزگٸ جەتٸستٸكتەرٸنە توقتالا كەتۋدٸ جٶن ساناپ وتىرمىن. ەڭ الدىمەن, «تسيفرلىق قازاقستان» مەملەكەتتٸك باعدارلاماسىن جٷزەگە اسىرۋ بويىنشا اۋقىمدى جۇمىستار قولعا الىندى. بىلتىر «استانا حاب» تەحنولوگييالىق پاركٸ ٶز جۇمىسىن باستادى. بۇل تەحنوپاركتٸڭ اياسىندا بٸلۋگە قۇمار, ٷيرەنۋگە ىنتالى جاستارىمىزدىڭ تسيفرلىق مٷمكٸندٸكتەرٸن دامىتۋ ٷشٸن جان-جاقتى جاعدايلاردىڭ بارلىعى قاراستىرىلعان. قازٸر قازاقستاننىڭ بەس قالاسىندا سمارت سيتي تۇجىرىمداسى ٸسكە قوسىلۋدا», - دەدٸ دەۋرەن اباەۆ فەيسبۋكتەگٸ پاراقشاسىندا جارييا ەتكەن ۆيدەو ماتەريالىندا.
ونىڭ اتاپ ٶتۋٸنشە, جىل بويى ەل تۇرعىندارىنا كٶرسەتٸلەتٸن مەملەكەتتٸك قىزمەتتٸ ىڭعايلى قالىپقا تٷسٸرۋگە باعىتتالعان جۇمىستار دا بٸر سەتتە توقتاعان جوق. بىلتىر الدىمەن استانادا سودان كەيٸن الماتى مەن شىمكەنت شاھارلارىندا جەنە قوستاناي قالاسىندا تسيفرلىق حالىققا قىزمەت كٶرسەتۋ ورتالىقتارى اشىلدى.
سونداي-اق قازاقستاننىڭ 7 قالاسىندا ميگراتسييالىق قىزمەت كٶرسەتۋ ورتالىقتارى ٸسكە قوسىلىپ, شەتەل ازاماتتارىنا «بٸر تەرەزە» قاعيداسى بويىنشا قىزمەت كٶرسەتۋ جٷزەگە استى. 20 مىڭ شاقىرىمدى قۇرايتىن تالشىقتى-وپتيكالىق جەلٸ قۇرىلىسى باستالدى. بۇل شالعاي اۋىلداردى مەكەندەيتٸن ەل تۇرعىندارىن ساپالى ينتەرنەتپەن قامتاماسىز ەتۋگە جول اشادى.
«قازاق تەلەۆيزيياسىنىڭ 60 جىلدىق مەرەيتويى اتالىپ ٶتٸلگەن جىلى, ياعني بىلتىر ايماقتاردى تسيفرلىق حابار تاراتۋعا كٶشٸرٸپ, انولوگتى حابار تاراتۋدى بٸرتٸندەپ توقتاتا باستادىق. شەكارالىق ايماقتاردا مەملەكەتتٸك راديو حابارىن تاراتۋ جٷيەسٸن دامىتۋ جۇمىستارى جالعاسىپ جاتىر. ٶزدەرٸڭٸز جاقسى بٸلەسٸزدەر, بۇل كٶپتەگەن جىلدار بويى شەشٸمٸن تاپپاي كەلە جاتقان مەسەلە بولاتىن. ەلٸمٸزدٸڭ جۋرناليستەرٸن ىنتالاندىرۋ ماقساتىندا «ٷركەر», «تۇمار» ۇلتتىق سىيلىقتارىن تابىستاۋ مەن مەديا سالانى جانداندىرۋ بويىنشا ۇيىمداستىرىلعان «استانا مەديا ۋيك» شاراسى دا تابىستى ٶتتٸ. وتاندىق تەلەارنالار مەن پروداكشن ستۋدييالار قازٸردٸڭ ٶزٸندە جوعارى رەيتينگكە يە بولعان 46 سەريال تٷسٸردٸ. بٸز ساندى ەمەس ساپانى ارتتىرۋعا كٶپ كٶڭٸل بٶلدٸك. مەملەكەتتٸك تاپسىرىسپەن تٷسٸرٸلگەن سەريالداردىڭ جانرلارى دا سان-الۋان. تاريح, تانىم, تٸل, دەستٷر, سپورت تاقىرىپتارى دا كەڭٸنەن قامتىلعان», - دەدٸ مينيستر.
سونىمەن قاتار ول ٶتكەن جىلدىڭ قاراشا ايىنان باستاپ «ەگەمەن قازاقستان» گازەتٸ لاتىن ەلٸپبيٸمەن جازىلعان ماقالالارعا ەر سانىنىڭ بٸر بەتٸن ارناي باستاعاندىعىن اتاپ ٶتەدٸ.
«بۇل ۇلتتىق ەلٸپبيٸمٸزگە دەگەن بەتبۇرىستىڭ العاشقى قادامدارىنىڭ بٸرٸ رەتٸندە تاريحتا قالاتىندىعى داۋسىز. تاماشا-تۆ تەلەارناسىنىڭ اشىلۋى دا ٶتكەن جىلدىڭ قازاق تەلەۆيزيياسىنا بەرگەن سارقىتى. سونىمەن قاتار «قازاقستانىڭ 100 جاڭا ەسٸمٸ» جوباسىنىڭ ەكٸنشٸ كەزەڭٸ ٶتكٸزٸلدٸ. وسى ايدا قورىتىندىسى بەلگٸلٸ بولادى. ال 2018 جىلى قازاقستان حالىقارالىق بالالار ەۋروۆيدەنيەسٸ بايقاۋىنا العاش رەت قاتىستى. بۇل بٸزدٸڭ ەۋروپالىق حابار تاراتۋ وداعىمەن بٸرٸككەن جۇمىسىمىزدىڭ وڭ نەتيجەسٸ. اشىق ٷكٸمەت پورتالىنىڭ دا جۇمىسى وڭتايلاندىرىلدى. زاڭ جوبالارىن جەتٸلدٸرۋ جۇمىستارى دا جالعاسىپ جاتىر. بۇل 2018 جىلى اتقارىلعان جمۇىستاردىڭ بٸر بٶلٸگٸ عانا. بٸر ادامنىڭ عانا ەمەس, سٸز بەن بٸزدٸڭ بٸر جۇدىرىقتاي جۇمىلىپ اتقارعان اۋقىمدى جۇمىستاردىڭ كٶرٸنٸسٸ. «جۇمىلا كٶتەرگەن جٷك جەڭٸل بولادى» دەيدٸ. سوندىقتان الدا بٸزدٸ ەلٸ دە كٶپتەگەن ٸرگەلٸ ٸستەر كٷتٸپ تۇر. دەمەك, ٶتكەن جىلعا ٶكپە جوق, كەلەر جىلدان ٷمٸت كٶپ», - دەپ تٷيٸندەيدٸ سٶزٸن دەۋرەن اباەۆ.
