قر اقپارات جەنە كوممۋنيكاتسييالار مينيسترٸ دەۋرەن اباەۆ ەلباسىنىڭ «رۋحاني جاڭعىرۋ» باعدارلاماسى اياسىندا «100 جاڭا ەسٸم» جوباسى نەلٸكتەن بيىل قايتادان ٶتكٸزٸلەتٸنٸن ايتىپ بەردٸ, دەپ حابارلايدى قازاقپارات تٸلشٸسٸ.
دەۋرەن اباەۆ بيىلعى جوبا تۋرالى قر پرەزيدەنت ەكٸمشٸلٸگٸنٸڭ باسشىسى ەسەت يسەكەشەۆتٸڭ تٶراعالىعىمەن ٶتٸپ جاتقان قوعامدىق سانانى جاڭعىرتۋ باعدارلاماسىن جٷزەگە اسىرۋ بويىنشا ۇلتتىق كوميسسييانىڭ كەزەكتٸ وتىرىسىندا ايتتى.
«بٷگٸنگە دەيٸن مونوقالالار مەن اۋدان ورتالىقتارىنىڭ بەرٸن قوسقاندا ەلٸمٸزدٸڭ بارلىق ٶڭٸرلەرٸندە جوبا جەڭٸمپازدارىنىڭ قاتىسۋىمەن 300-گە جۋىق شارا ٶتكٸزٸلدٸ. ولاردىڭ كەيبٸرٸ جٷيەلٸ سيپاتقا يە بولىپ, كوممۋنيكاتسييا ٷشٸن تيٸمدٸ الاڭ رەتٸندە ٶزٸن تانىتا بٸلدٸ. جوعارىدا اتالعان جوبالار مەن باستامالاردىڭ تابىستى جٷزەگە اسىرىلۋى مەملەكەت باسشىسىنىڭ باعدارلاماسىنداعى يدەيانىڭ نەگٸزٸن قوعامدا تانىتا تٷسۋگە مٷمكٸندٸك بەردٸ. وسى جىلى اقپاراتتىق كەڭٸستٸككە جٷرگٸزٸلگەن مونيتورينگ مەن حالىقتىڭ مىڭداعان ۇسىنىسى جوبانى ارى قاراي جالعاستىرۋ تۋرالى ەلەۋمەتتٸك سۇرانىستىڭ بارىن كٶرسەتٸپ بەردٸ. بۇل رەتتە ەلٸمٸزدٸڭ ازاماتتىق سەكتورى ەرەكشە ۇستانىمىن تانىتقانىن اتاپ ٶتۋ كەرەك. وسىعان بايلانىستى مينيسترلٸك قحا-مەن بٸرلەسە وتىرىپ, «100 جاڭا ەسٸم» جوباسىنىڭ ەكٸنشٸ كەزەڭٸن جٷزەگە اسىرىپ جاتىر», - دەيدٸ دەۋرەن اباەۆ.
مينيستردٸڭ ايتۋىنشا, بۇل جولعى جوبانىڭ باستى ەرەكشەلٸگٸ - ٸزدەۋدە جەنە ٸرٸكتەۋدە ٷكٸمەتتٸك ەمەس سەكتوردان ٷمٸتكەرلەردٸ تابۋ سەكٸلدٸ ينستيتۋتسيونالدىق ەدٸس قولدانىپ وتىر.
«سونىمەن قاتار, ەلبەتتە, ٶزٸن-ٶزٸ ۇسىنۋ مٷمكٸندٸگٸ دە بار. وسى جىلدىڭ 3 قىركٷيەگٸ مەن 25 قازانى ارالىعىندا 2 388 ٶتٸنٸم كەلٸپ تٷستٸ. ايماقتىق ٷلەس بويىنشا ەلٸمٸزدٸڭ بارلىق ٶڭٸرلەرٸ اتسالىسىپ جاتىر. ەسٸرەسە, ەرەكشە بەلسەندٸلٸكتٸ قاراعاندى, شىعىس قازاقستان, ماڭعىستاۋ وبلىستارى مەن استانا, الماتى قالالارىنان بايقاۋعا بولادى», - دەيدٸ دەۋرەن اباەۆ.
مينيستر اتاپ ٶتكەندەي, جوباعا جاستاردىڭ دا قىزىعىپ وتىرعانى قۋانتادى. دەۋرەن اباەۆتىڭ ايتۋىنشا, قازٸردٸڭ ٶزٸندە بۇل ساناتتا قوعامنىڭ نازارىنا ٸلٸككەن جاندار بارشىلىق.
«مەسەلەن, ينديرا ەدٸلباەۆا دەگەن بويجەتكەن باسكەتبول بويىنشا ەرەكشە قاجەتتٸلٸگٸ بار بالالارعا جاتتىقتىرۋشى بولىپ جٷر. سونداي-اق, لاريون يان كلينينگتٸ كومپانييانى جاساقتاپ, قازٸر قول استىنداعى 5 مىڭ ادامدى جۇمىسپەن قامتىپ وتىر. ەردوس تٶلەگەنوۆ دەگەن تاعى بٸر جٸگٸت «ويلا» اتتى بالالاردىڭ عىلىمي جۋرنالىن شىعاردى. ول جۋرنال قازٸرگٸ تاڭدا گەرمانييا مەن ليحتەنشتەين مەن ليۋكسەمبۋرگتە, نيدەرلاندى مەن شۆەيتسارييادا, ۆ اۋسترالييا مەن جاڭا زەلاندييادا, سونداي-اق وڭتٷستٸك كورەيادا شىعارىلىپ جاتىر. ول قازٸرٸ تاڭدا فرانشيزانى ساتىپ جٸبەرگەن. 20 مىڭ دانامەن شىعاتىن بۇل جۋرنال ٶتە قىزىقتى. سول سەكٸلدٸ ايدوس ەسماعامبەتوۆ - سيليكوننان مٷسٸن جاسايتىن ەرەكشە مٷسٸنشٸ. ونى تٸپتٸ مادام تيۋسسو مۇراجايى شاقىرىپتى. دويبىدان ەلەمنٸڭ ون بٸر دٷركٸن چەمپيونى مارات جيكەەۆ دەگەن مىقتى ادام بار. مٸنە, جوبانى جالعاستىرۋعا تۇرارلىق اينالامىزدا قانشاما كٸسٸلەردٸڭ بارىن بٸلٸپ وتىرمىز», - دەيدٸ مينيستر.
دەۋرەن اباەۆ اتاپ ٶتكەندەي, ۇيىمداستىرۋشىلار ناقتى 100 ادامدى ەمەس, ساپاعا ماڭىز بەرۋ ٷشٸن مىقتى دەگەن 20 ادامدى ٸرٸكتەۋدٸ كٶزدەپ وتىر.
«ٷمٸتكەرلەرگە باعا بەرۋ ٷشٸن ارنايى ساراپشىلىق كەڭەسٸ قۇرىلادى. جوباعا قاتىسۋشىلار ەڭ سوڭىندا ونلاين داۋىس بەرۋ ارقىلى ٸرٸكتەلەدٸ. ول داۋىس بەرۋ 1-15 قاراشا ارالىعىندا ٶتەدٸ. ال 1-5 جەلتوقسان ارالىعىندا «100 جاڭا ەسٸمگە» ەنگەن ادامداردى كٶپشٸلٸككە تانىستىراتىن بولامىز», - دەيدٸ دەۋرەن اباەۆ.
ەسكە سالا كەتسەك, بۇعان دەيٸن قازاقستاندا «100 جاڭا ەسٸم» جوباسىنىڭ ەكٸنشٸ كەزەڭٸ باستالعانىن حاباراعان بولاتىنبىز.
