قازاقستان جازۋشىلار وداعى نۇر-سۇلتان قالالىق فيليالىنىڭ تٶراعاسى دەۋلەتكەرەي كەپۇلى شەتەلدەن تاريحي وتانىنا كٶشٸپ كەلگەن قانداستاردىڭ تاپ بولىپ وتىرعان كەيبٸر مەسەلەگە توقتالدى, دەپ حابارلايدى قازاقپارات.
«اۋىل» حالىقتىق-دەموكراتييالىق پاتريوتتىق پارتيياسىنىڭ سايلاۋالدى تۇعىرناماسىندا «قانداسىم - قامالىم» دەيتٸن تاماشا, قىلدان نەزٸك, جٸپتەن جٸڭٸشكە تۇس بار. بۇل تۇس وسى شەتەلدەن كٶشٸپ كەلٸپ جاتقان قانداس باۋىرلارىمىزعا قاتىستى. ەيتەۋٸر, پرەزيدەنتتٸڭ جارلىعىمەن «قانداس» دەپ بەكٸتٸپ الدىق. سول قانداستاردىڭ شارۋاسىمەن «اۋىل» پارتيياسى اينالىسىپ جاتسا قۇبا-قۇپ», - دەدٸ ول «اۋىل» حالىقتىق-دەموكراتييالىق پاتريوتتىق پارتيياسىنىڭ كەزەكتەن تىس XVIII سەزٸندە.
وسى رەتتە دەۋلەتكەرەي كەپۇلى شەتەلدەن تاريحي وتانىنا كٶشٸپ كەلگەن قانداستارىمىز تاپ بولىپ وتىرعان كەيبٸر مەسەلەگە توقتالدى.
«بۇل - قۇجات مەسەلەسٸ. قازاقستانعا كٶشٸپ كەلگەننەن كەيٸن ٶزٸنٸڭ قازاق ەكەنٸن دەلەلدەۋ ٷشٸن قۇجات الدىرۋ دەيتٸن سوراقى دٷنيە بار. بۇل مىسالى اۋعانستان قازاقتارىنىڭ, تٷركييا قازاقتارىنىڭ ٷلكەن پروبلەماسىنا اينالعان. ال قىتايدان كٶشٸپ كەلٸپ جاتقان قازاقتاردىڭ سوتتالماعان دەيتٸن قۇجاتىن ازاماتتار «ويبايلاپ, ايعايلاپ» جٷرٸپ الدىرىپ تاستادى. ياعني, كٶشٸپ كەلگەن قازاقتاردىڭ باسىنداعى باستى پروبلەما - ەڭ بٸرٸنشٸ ازاماتتىققا نە بولماسا ىقتييار حات الۋعا توم-توم قاعاز جيناۋ», - دەدٸ نۇر-سۇلتان قالالىق فيليالىنىڭ تٶراعاسى.
سونىمەن قاتار ول قانداستارىمىزعا سالىنعان ٷيلەردٸڭ ساپاسى سىن كٶتەرمەيتٸندٸگٸن دە باسا ايتتى.
«ٶسكەمەننٸڭ قاسىندا «نۇرلى بەسٸك» دەيتٸن اۋىل سالىندى. قانشاما باۋىرىم, قۇدا-جەكجاتتارىم, تامىر-تانىستارىم تۇرادى. سوعان بارىپ كٶردٸم. قىستىگٷنٸ ادام تۇرعىسىز. دەل سول جاعداي سولتٷستٸك قازاقستاننىڭ ٸرگەسٸندەگٸ «بەيتەرەك» اۋىلىندا دا قايتالانادى. نە بولماسا كٶكشەتاۋدىڭ قاسىنداعى «كراسنىي يارداعى» ٷيلەردٸڭ بارلىعى پەنوپلاستان سالىنعان. بۇل بيلٸكتٸڭ كٸنەسٸ ەمەس. ونى ورتاداعى جەمقورلاردىڭ جاساپ وتىرعان دٷنيەسٸ ەكەندٸگٸن ايتپاسقا بولمايدى. سوندىقتان «اۋىل» پارتيياسى وسىنداي تٷيتكٸلدٸ مەسەلەلەردٸ بيٸك مٸنبەردەن ايتا الاتىنداي كٷندەر بولىپ جاتسا, مەن سٸزدەردٸڭ ورتالارىڭىزدا بارمىن», - دەدٸ دەۋلەتكەرەي كەپۇلى.
