تٷركٸ تٸلدەس ەلدەردٸڭ ٶنەرٸ مەن مەدەنيەتٸن دەرٸپتەيتٸن تٷركسوي-دىڭ كيەلٸ تٷركٸستان قالاسىندا كەڭسەسٸ اشىلۋى مٷمكٸن. ۇيىمنىڭ ۇيىتقى بولۋىمەن تٷركٸستاندا ٶتەتٸن بٸرقاتار ماڭىزدى شارالاردىڭ بارىسى تٷركٸستان وبلىسىنىڭ ەكٸمٸ دارحان ساتىبالدى مەن تٷركٸ مەدەنيەتٸن جەنە ٶنەرٸن دامىتۋ حالىقارالىق ۇيىمىنىڭ (تٷركسوي) باس حاتشىسى سۇلتان راەۆپەن كەزدەسۋٸندە جان-جاقتى تالقىلاندى.
تاراپتار كٷللٸ تٷركٸ ەلەمٸنٸڭ رۋحاني استاناسى – تٷركٸستاندى جاھانعا پاش ەتۋ جولىنداعى تىڭ جوبالاردى تالقىلادى. تٷركٸ ەلەمٸنٸڭ ىنتىماقتاستىعىن ارتتىرۋعا ارنالعان ماڭىزدى جوبالاردىڭ ٸسكە اسىرىلعانى ايتىلدى. وبلىس باسشىسى حالىقارالىق ۇيىمنىڭ ماڭىزدى قىزمەتٸن ايرىقشا اتاپ ٶتتٸ.
«تٷركٸ مەملەكەتتەرٸنٸڭ ٶزارا بايلانىسىن ارتتىردا تٷركسوي-دىڭ ميسسيياسى زور. تٷبٸ بٸر تٷركٸ حالىقتارىنىڭ مەدەنيەتٸن دەرٸپتەپ, مەدەني قۇندىلىقتارىن ساقتاۋ جولىنداعى ەڭبەكتەرٸڭٸز ەرەن. كٷللٸ تٷركٸ ەلەمٸنٸڭ رۋحاني استاناسى رەتٸندە بٸز دە مەدەنيەت پەن ٶنەر سالاسىنداعى مەسەلەلەرگە باسا مەن بەرەمٸز. بۇل باعىتتاعى باستامالار مەن تىڭ جوبالارعا قۋانا قولداۋ بٸلدٸرەمٸز. ۇلتتىق تاعىلىمى مول, جاڭا تانىمدىق جوبالارعا جەنە ەدەبيەت پەن عىلىمدى دامىتۋعا باعىتتالعان باستامالارعا ايرىقشا نازار اۋدارامىز», – دەدٸ دارحان ساتىبالدى.
كەزدەسۋ بارىسىندا 2021 جىلى رەسمي تٷردە تٷركٸ ەلەمٸنٸڭ رۋحاني استاناسى بولىپ جارييالانعان تٷركٸستان قالاسىنىڭ ەلەۋەتٸن دامىتۋعا ەرەكشە كٶڭٸل بٶلٸندٸ. ٶز كەزەگٸندە, تٷركسوي-دىڭ باس حاتشىسى تٷركٸ ەلەمٸنە ورتاق شارالاردىڭ بٸرقاتارىن اتاپ ٶتٸپ, كەلەر جىلى تٷركٸستاندا جاستار اراسىندا ٶتەتٸن ەتنوفەستيۆال مەن حالىقارالىق فورۋمنىڭ ماڭىزدىلىعىن اتاپ ٶتتٸ. تٷركسوي جەلٸسٸ بويىنشا جٷزەگە اسىرىلۋى مٷمكٸن ٸس-شارالار مەن جوبالار تۋرالى حاباردار ەتتٸ.
كەزدەسۋدە تٷركٸستان مۋزىكالىق دراما تەاترىنداعى بالەت ترۋپپاسىنىڭ شەبەرلٸگٸ مەن مٷمكٸندٸگٸ نەتيجەسٸندە ەل نازارىن اۋدارعان «قورقىت تۋرالى اڭىز» اتتى پلاستيكالىق سپەكتاكلدٸڭ تٷركٸ تٸلدەس ەلدەرٸنە تۋرنە جاساۋى تۋرالى مەسەلە كٶتەرٸلدٸ. سونداي-اق «Turkistan» تەلەارناسىن تٷركٸگە ورتاق اقپارات الاڭىنا اينالدىرۋ مەسەلەسٸ سٶز بولدى. حالىقارالىق تەلەارنانىڭ اقپارات الماسۋ مەن مەديا كەڭٸستٸك قالىپتاستىرۋعا باعىتتالعان التىن كٶپٸر بولۋ جولىندا تٷركٸتٸلدەس ەلدەردە بٶلٸمشە اشۋ تۋرالى دا ايتىلدى.
