قازىعۇرت اۋدانى حالقىنىڭ تابىسىن ارتتىرۋ ماقساتىندا مەملەكەتتٸك باعدارلامالار اياسىندا جىل باسىنان بەرٸ 7 مىڭعا جۋىق ادام جۇمىسپەن قامتىلعان. سونىمەن قاتار مەملەكەت باسشىسىنىڭ «10 مىڭ تۇرعىنعا 100 تۇراقتى جۇمىس ورىندارىن اشۋ» جٶنٸندەگٸ تاپسىرماسىنا سەيكەس, اۋداننىن ەكونوميكالىق بەلسەندٸ حالىق سانىنا قاراي 551 جاڭا جۇمىس ورنىن اشۋ جوسپارلانىپ, 829-ٸ اشىلدى. حالىقتىڭ تابىسىن ارتتىرۋعا باعىتتالعان جۇمىستار جالعاسىن تاباتىن بولادى. بۇل تۋرالى اۋدان تۇرعىندارىنىڭ الدىندا ەسەپ بەرگەن تٷركٸستان وبلىسىنىڭ ەكٸمٸ دارحان ساتىبالدى مەلٸم ەتتٸ.
وبلىس ەكٸمٸ مەملەكەت باسشىسى قاسىم-جومارت توقاەۆتىڭ ارنايى تاپسىرماسىمەن تٷركٸستان وبلىسىندا «جايلى مەكتەپ» پيلوتتىق ۇلتتىق جوباسى ەزٸرلەنگەنٸن جەتكٸزدٸ. سالىناتىن مەكتەپتەر جاڭا فورماتتا بولادى. جوبا شەڭبەرٸندە قازىعۇرت اۋدانىندا ٷش مەكتەپ سالىنباق. ال بيىل رابات جەنە سىرلىساي ەلدٸ مەكەندەرٸندە 200 ورىندىق مەكتەپتەردٸ پايدالانۋعا بەرٸلەدٸ.
«قازىعۇرت اۋدانىن دامىتۋ مەسەلەسٸ نازاردا تۇر. اۋاسى تازا, تابيعاتى كٶركەم ايماقتا اۋىل شارۋاشىلىعى, تۋريزم, كەسٸپكەرلٸك سالالارىن دامىتۋعا مٷمكٸندٸك مول. ٶزدەرٸڭٸزبەن ارنايى جٷزدەسٸپ, ٶتٸنٸشتەر مەن ۇسىنىستاردى تىڭداۋعا كەلدٸك. باسقارما باسشىلارى دا وسىندا تۇر. ەركٸن پٸكٸر الماسۋعا دايىنبىز. جالپى اۋداندى دامىتۋ باعىتىندا «اۋىل – ەل بەسٸگٸ» جوباسى اياسىندا بيىل 7 ەلدٸ مەكەندە 14 جوبا ٸسكە اسىرىلۋدا. اتاپ ايتقاندا, شاناق, جٸگەرگەن ەلدٸ مەكەندەرٸندە جاڭادان 200 ورىندىق مەدەنيەت ٷيلەرٸن سالۋعا, قاقپاق, ىنتالى ەلدٸ مەكەندەرٸندە 2 دەرٸگەرلٸك امبۋلاتورييا سالۋعا قارجى قارالدى. جٸگەرگەن, قارجان ەلدٸ مەكەندەرٸندە 21 شاقىرىمدى قۇرايتىن 13 كٶشەگە اسفالت تٶسەلەدٸ. جاڭابازار ەلدٸ مەكەنٸندە جاڭادان سپورت الاڭشاسىن سالۋعا, شاناق, اقجار ەلدٸ مەكەندەرٸن تابيعي گازبەن قامتۋعا تيٸستٸ قاراجات باعىتتالدى», – دەدٸ دارحان ساتىبالدى.
ٶڭٸر باسشىسى كەزدەسۋ بارىسىندا قازىعۇرتتىقتاردىڭ قويعان سۇراقتارىنا جاۋاپ بەرٸپ, ۇسىنىستارىن تىڭدادى. سونىمەن قاتار جەكە قابىلداۋ ٶتكٸزٸپ, جەرگٸلٸكتٸ بيلٸك ٶكٸلدەرٸ مەن باسقارما باسشىلارىنا قابىلداۋدا بولعان ازاماتتاردىڭ مەسەلەلەرٸن شەشۋدٸ تاپسىردى.
تۇرعىندار تاراپىنان مەكتەپ سالۋ, جەر مەسەلەسٸ, ونوماستيكا, اۋىز سۋ, ينفراقۇرىلىمدى جاقسارتۋ, ٶگەم سۋىن تيٸمدٸ پايدالانۋ جەنە ٶزگە دە تٷيتكٸلدەر بويىنشا سۇراقتار قويىلدى.
قازىعۇرت اۋدانىنىڭ ينجەنەرلٸك ينفراقۇرىلىم جٷيەسٸن دامىتۋ ٷشٸن 15 بيۋدجەتتٸك ينۆەستيتسييالىق جوبا جٷزەگە اسىرىلۋدا.
اۋدان تۇرعىندارىنىڭ 98,6%-ى نەمەسە 100 مىڭنان استام ادام تازا اۋىز سۋمەن قامتىلعان. تابيعي گازبەن 98,2% قامتىلعان. ىزابۇلاق, شاناق جەنە اقجار اۋىلدارىن تابيعي گازبەن قامتۋ بويىنشا 3 جوبا جٷزەگە اسىرىلۋدا. جالپى قۇنى – 889,9 ملن. تەڭگە. كەلەسٸ جىلى پايدالانۋعا بەرٸلەدٸ.
قازىعۇرت اۋدانىنا ٸسساپارىمەن كەلگەن تٷركٸستان وبلىسىنىڭ ەكٸمٸ دارحان ساتىبالدى قاقپاق اۋىل وكرۋگٸندە ورنالاسقان «قارقىن – 2030» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ شۇجىق شىعارۋ تسەحىنا باردى. كەسٸپورىننىڭ ٸرٸ قارا مالدى بورداقىلاۋ الاڭىنىڭ قۋاتتىلىعى 800 باس بولسا, بورداقىلاۋداعى مال سانى – 400 باس. ەت ٶڭدەۋ تسەحى تەۋلٸگٸنە 5 توننا شۇجىق ٶنٸمدەرٸنٸڭ 60 تٷرٸن شىعارادى. كەسٸپورىندا جالپى 100 ادام تۇراقتى جۇمىسپەن قامتىلعان. ٶڭٸر باسشىسى كەسٸپورىن جۇمىسىن وڭ باعالاپ, كەسٸپكەرلٸكتٸ قولداۋعا باسا نازار اۋدارۋ كەرەك ەكەنٸن ايتتى.
