بٷگٸن, ياعني, 9 سەۋٸر كٷنٸ قر دٸن ٸستەرٸ جەنە ازاماتتىق قوعام مينيسترٸ دارحان كەلەتاەۆ قازاقستان مۇسىلماندارى دٸني باسقارماسىنىڭ تٶراعاسى, باس مٷفتي سەرٸكباي قاجى ورازبەن كەزدەستٸ.
كەزدەسۋ بارىسىندا دٸن ٸستەرٸ جەنە ازاماتتىق قوعام مينيسترلٸگٸ مەن قازاقستان مۇسىلماندارى دٸني باسقارماسىنىڭ اراسىنداعى ىنتىماقتاستىق مەسەلەلەرٸ تالقىلانىپ, دٸنارالىق كەلٸسٸمدٸ نىعايتۋ جەنە ازاماتتاردىڭ ار-وجدان قۇقىقتارىن جٷزەگە اسىرۋ مەسەلەلەرٸ قارالدى.
دارحان كەلەتاەۆ يمامداردىڭ, دٸنتانۋشىلاردىڭ جەنە ساراپشىلاردىڭ قاتىسۋىمەن اقپاراتتىق تٷسٸندٸرۋ جۇمىستارىن جەتٸلدٸرۋ بويىنشا بٸرلەسكەن جۇمىستى جالعاستىرۋ قاجەتتٸگٸن اتاپ ٶتتٸ.
سونىمەن قاتار, مينيستر دٸن سالاسىنداعى عالىمدار مەن شىعىستانۋشىلاردىڭ تاريحي مۇرانى جەنە دەستٷرلٸ يسلامنىڭ ۇلتتىق مەدەنيەتپەن بايلانىسىن زەرتتەۋگە ارنالعان ارنايى جۇمىس توبىنىڭ قىزمەتٸنە جەنە مەملەكەتتٸك دامۋدىڭ زايىرلى پرينتسيپتەرٸنە نەگٸزدەلگەن يدەولوگييانى قالىپتاستىرۋداعى يسلام دٸنٸنٸڭ جاعىمدى رٶلٸن قالىپتاستىرۋ باعىتىنداعى جۇمىستارعا قولداۋبٸلدٸرەتٸنٸن جەتكٸزدٸ.
ال, باس مٷفتي سەرٸكباي قاجى وراز ٶز كەزەگٸندە دارحان كەلەتاەۆتى مينيستر قىزمەتٸنە تاعايىندالۋىمەن قۇتتىقتاپ, الداعى جۇمىسىنا تابىس تٸلەدٸ.
كەزدەسۋ قورىتىندىسى بويىنشا تاراپتار دٸن سالاسىنداعى مەملەكەتتٸك ساياساتتى جٷزەگە اسىرۋدا تىعىز ىنتىماقتاستىققا دايىن ەكەندٸكتەرٸن ايتتى.
