قاراعاندى وبلىسى بۇقار جىراۋ اۋدانى ورتالىق اۋرۋحاناسىنىڭ ديرەكتورى الاياقتىق جاساعانى ٷشٸن كٸنەلٸ دەپ تانىلىپ, 3,5 جىلعا باس بوستاندىعىنان ايىرىلدى. سوتتا ونىڭ قولاستىنداعىلاردان كوۆيد كەزٸندەگٸ ٷستەمەاقىنىڭ بٸر بٶلٸگٸن الداپ العانى انىقتالدى, - دەپ حابارلايدى Tengrinews.kz اگەنتتٸگٸ.
دەرٸگەرگە قاتىستى قىلمىستىق ٸس بۇقار جىراۋ اۋداندىق سوتىندا قارالعان.
"اۋرۋحانا ديرەكتورى الاياقتىق جاسادى دەپ ايىپتالدى. ول اۋرۋحانا قىزمەتكەرلەرٸنەن الاياقتىق جولمەن كوۆيد كەزٸندەگٸ ٷستەماقىسىن الىپ قويعان. باسشى 2,2 ميلليون تەڭگە جيناعان", - دەدٸ قاراعاندى وبلىسىنىڭ سىبايلاس جەمقورلىققا قارسى قىزمەتٸنٸڭ باسپاسٶز قىزمەتٸ ٶكٸلٸ.
سوت ٷكٸمٸمەن اۋداندىق اۋرۋحانا ديرەكتورىنا مەملەكەتتٸك قىزمەتتە قىزمەت ەتۋ قۇقىعىنان ٶمٸر بويىنا ايىرۋ جەنە 3,5 جىلعا باس بوستاندىعىنان ايىرۋ جازاسى تاعايىندالعان.
