فوتو:elements.envato.com
دەنساۋلىق ساقتاۋ مينيسترلٸگٸ مەديتسينالىق وقيعا سالدارىنان زارداپ شەككەن قازاقستاندىقتارعا ٶتەماقى تٶلەنەتٸن زاڭ جوباسىن ەزٸرلەدٸ. ول ٷشٸن مەديتسينا قىزمەتكەرلەرٸ قىزمەتٸنە مٸندەتتٸ ساقتاندىرۋ ەنگٸزۋ ۇسىنىلدى, - دەپ حابارلايدى Tengrinews.kz.
مەجٸلٸستە دەنساۋلىق ساقتاۋ مينيسترٸ اجار عينييات "كەيبٸر زاڭنامالىق اكتٸلەرگە دەنساۋلىق ساقتاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسىن تانىستىردى.
"ەمدەلۋشٸلەرگە كەلتٸرٸلگەن زيياندى ٶتەۋگە مەملەكەت كەپٸلدٸك بەرگەن قۇقىقتارىن جٷزەگە اسىرۋ ٷشٸن مەديتسينا قىزمەتكەرلەرٸنٸڭ كەسٸبي جاۋاپكەرشٸلٸگٸن مٸندەتتٸ ساقتاندىرۋ جٷيەسٸن كەزەڭ كەزەڭٸمەن ەنگٸزۋ قاجەت", - دەدٸ مينيستر.
ونىڭ ايتۋىنشا, جىل سايىن ەلٸمٸزدە مەديتسينالىق قىزمەتكەرلەرگە قاتىستى قىلمىستىق كودەكستٸڭ 317-بابىندا كٶزدەلگەن قىزمەتتٸك مٸندەتتەرٸن تيٸسٸنشە ورىنداماعانى ٷشٸن 300-گە جۋىق ٸس قوزعالادى. قىلمىستىق ٸستەر ٶلٸم قاۋپٸ بار حيرۋرگ ماماندارىنا قاتىستى جيٸ قوزعالادى.
"جەبٸرلەنۋشٸلەردٸڭ پايداسىنا كەلتٸرٸلگەن مورالدىق جەنە ماتەريالدىق زالالدى ٶتەۋدٸڭ جالپى سوماسى 40 ميلليون تەڭگەدەن اسا سوما بولادى. ساقتاندىرۋ تٶلەمدەرٸ سوت شەشٸمٸ بويىنشا ساقتاندىرۋ پوليسٸ بولعان جاعدايدا جٷزەگە اسىرىلادى, قىلمىستىق جاۋاپكەرشٸلٸك تانىلعان جاعدايدا تٶلەنبەيدٸ.
وسىلايشا, مەديتسينالىق وقيعا بولعان جاعدايدا مەديتسينا قىزمەتكەرٸ جالاقىسىنىڭ دەڭگەيٸ ناۋقاستىڭ دەنساۋلىعىنا كەلتٸرٸلگەن زيياندى ٶز بەتٸمەن ٶتەۋگە جەتپەيدٸ", - دەپ تٷسٸندٸردٸ عينييات.
مينيسترلٸك جوسپارىنا سەيكەس, مەديتسينالىق ۇيىمداردىڭ ٶزٸ 2023 جىلدان باستاپ جەكە ساقتاندىرۋ كومپانييالارىمەن كەلٸسٸمشارت جاساسادى. 2025 جىلدان باستاپ ىنتىماقتاستىق نەگٸزٸندە ساقتاندىرۋدى مەديتسينالىق ۇيىمدار مەن مەديتسينا قىزمەتكەرلەرٸ بٶلٸسەدٸ. ساقتاندىرۋ شارتى بٸر جىلعا جاسالادى, ونىڭ ٸشٸندە ساقتاندىرۋ كومپانيياسى مەديتسينالىق وقيعالار بويىنشا بارلىق تٶلەمدٸ ٶتەيدٸ.
اجار عينييات ناۋقاستىڭ تاڭداۋى بولاتىنىن تٷسٸندٸردٸ. مەديتسينالىق ۇيىمنىڭ شەشٸمٸمەن جەنە تٶلەم مٶلشەرٸمەن كەلٸسپەسە, ول سوتقا جٷگٸنە الادى. سونداي-اق, ول جوسپارلانعان ٶتەماقى كٶلەمٸن دە جارييالادى.
"دەنساۋلىق ساقتاۋ سالاسىنىڭ ەلەۋمەتتٸك باعدارلانۋىن ەسكەرە وتىرىپ, ساقتاندىرۋ جٷيەسٸن ەنگٸزۋدٸڭ باستاپقى كەزەڭٸندە ساقتاندىرۋشىنىڭ ساقتاندىرۋ جاعدايى بويىنشا جاۋاپكەرشٸلٸگٸنٸڭ شەكتٸ كٶلەمٸن "كٶلٸك قۇرالدارى يەلەرٸنٸڭ اقج مٸندەتتٸ ساقتاندىرۋ تۋرالى" زاڭعا ۇقساس انىقتاۋ ۇسىنىلادى. پاتسيەنتتٸڭ ٶمٸرٸنە نەمەسە دەنساۋلىعىنا كەلتٸرٸلگەن زييان ٷشٸن:
- ٶلٸم جاعدايى – 1000 اەك (2022 جىلى 3 ميلليون 180 مىڭ تەڭگە - ەسك.);
- بٸرٸنشٸ توپتاعى مٷگەدەكتٸكتٸ انىقتاۋ – 800 اەك (2022 جىلى 2 ميلليون 544 مىڭ تەڭگە - ەسك.);
- ەكٸنشٸ توپ – 600 اەك (2022 جىلى 1 ميلليون 908 مىڭ تەڭگە - ەسك.);
- ٷشٸنشٸ توپقا – 500 اەك, "مٷگەدەك بالاعا" – 500 اەك (2022 جىلى 1 ميلليون 590 مىڭ تەڭگە - ەسك.);
- دەنە جاراقاتى نەمەسە مٷگەدەكتٸك انىقتالماعان ٶزگە دە زييان كەلتٸرۋ – ناۋقاستى امبۋلاتورلىق نەمەسە ستاتسيونارلىق ەمدەۋگە جۇمسالعان ناقتى شىعىندار مٶلشەرٸندە – 300 اەك (2022 جىلى 954 مىڭ تەڭگە - ەسك.)" – دەپ تولىقتىردى عينييات.
