دەرٸگەرلەر جارىلعان سناريادتان زارداپ شەككەن 2 ادامنىڭ جاعدايى تۋرالى ايتتى, دەپ حابارلايدى "ۇلت اقپارات".
«كٷندٸزگٸ ساعات 11:00-لەر شاماسىندا قابىلداۋ بٶلٸمٸنە ەكٸ ناۋقاس جەتكٸزٸلدٸ. بٸرٸ 1984 جىلى تۋعان بولسا, ەكٸنشٸسٸ 1998 جىلى تۋعان. ەكەۋٸ جۇمىس كەزٸندە جاراقات العان. 35 جاستاعى ناۋقاستىڭ سول اياعى مەن سول قولىنىڭ جاراقاتتان كەيٸنگٸ امپۋتاتسيياسى, سٷيەكتەرٸنٸڭ اشىق سىنۋى بولعان. وعان جەدەل تٷردە وتا جاسالدى. ناۋقاستىڭ سول اياعى مەن سول قولىنىڭ ورتا بٶلٸگٸنەن امپۋتاتسييا جاسالىپ, وتا اياقتالدى. قازٸرگٸ تاڭدا ول جانساقتاۋ بٶلٸمٸنە جاتقىزىلىپ ەم قابىلداۋدا. جاعدايى اۋىر. ال, ەكٸنشٸ 21 جاستاعى ناۋقاستىڭ اياعىنا وتا جاسالدى. ونىڭ دا جاعدايى اۋىر دەپ باعالانۋدا», - دەيدٸ شىمكەنت قالالىق جەدەل-جەردەم اۋرۋحاناسىنىڭ بٶلٸم مەڭگەرۋشٸسٸ سەبيت بايبوسىنوۆ.
ەسكە سالا كەتسەك, شىمكەنتتە ارتيللەرييالىق سنارياد جارىلىپ, 2 ادام زارداپ شەككەنٸ تۋرالى بۇعان دەيٸن حابارلاعان بولاتىنبىز.
