ماڭعىستاۋلىق دەرٸگەرلەر ەرٸكتە تٷردە «سپۋتنيك-V» ۆاكتسيناسىن الۋدا, دەپ حابارلايدى "ۇلت اقپارات" ٶڭٸردٸڭ قوعامدىق كوممۋنيكاتسييا ورتالىعىنا سٸلتەمە جاساپ.
«دەرٸگەر رەتٸندە مەن ەكپە الۋ دۇرىس دەپ سانايمىن. بٸرنەشە مينۋت بۇرىن ماعان ۆاكتسينا سالدى. ٶزٸمدٸ جاقسى سەزٸنەمٸن. حالىقتى ۆاكتسيناتسييادان باس تارتپاۋعا شاقىرامىن», - دەدٸ ماڭعىستاۋ وبلىستىق اۋرۋحاناسىنىڭ ديرەكتورى جەنٸبەك اجمۇحانوۆ.
جەنٸبەك اجمۇحانوۆتىڭ ايتۋىنشا, ەكپە العان بارلىق دەرٸگەرلەر ٶزدەرٸن جاقسى سەزٸنەدٸ, ەشكٸمدە جاناما ەسەرلەر بايقالماعان.
دەرٸگەرلەردەن بٶلەك, ماڭعىستاۋ وبلىسى ەكٸمٸنٸڭ ورىنباسارى گٷلميرا قالمۇراتوۆا ۆاكتسينانى ٶز ەركٸمەن الۋعا شەشٸم قابىلدادى. الايدا, مەديتسينالىق كٶرسەتكٸشتەر بويىنشا ەكپەنٸ سالۋ كەيٸنگە قالدىرىلدى.
«ەكپەنٸ سالماس بۇرىن پاتسيەنت تەكسەرۋدەن ٶتتٸ. تەكسەرۋ نەتيجەسٸندە مەديتسينالىق قارسى كٶرسەتٸلٸمدەرٸ بار ەكەنٸ انىقتالدى. جاقسارعاننان كەيٸن ەكپەنٸ الا الادى. بۇل جەردە اسىعىستىق تانىتپاۋ قاجەت»,-دەدٸ №2 قالالىق اۋرۋحانانىڭ دەرٸگەرٸ توعجان نۇرتازاەۆا.
