«دەرٸگەرلەر - بٷگٸنگٸ كٷننٸڭ باتىرلارى دەۋگە ەبدەن لايىق. مەديتسينا ماماندارى ٶز دەنساۋلىعىنا قاۋٸپ تٶنٸپ تۇرعانىنا قاراماستان حالىقتىڭ دەنساۋلىعى ٷشٸن كٷرەسٸپ كەلەدٸ». بۇل - قىزىلوردا وبلىسى قارماقشى اۋدانىنىڭ تۇرعىنى, زەينەتكەر تامارا ەشمانوۆانىڭ جٷرەكجاردى لەبٸزٸ, دەپ حابارلايدى قازاقپارات.
ونىڭ ايتۋىنشا, الدىمەن جولداسى, بالاسى مەن كەلٸنٸ سىرقاتقا شالدىعىپ, اۋرۋحانادا ەم العان. ٶزٸ ٷيدە 10 كٷندەي اۋىرىپ جٷرگەن.
«اسقا تەبەتٸم بولماي, شايدى عانا تالعاجاۋ ەتٸپ جٷردٸم. سونىڭ سالدارىنان اعزامدا ەلسٸرەۋ باستالدى. وعان قوسا اياق-قولىم دا ۇيىپ, ەبدەن مازام قاشتى. تىنىسىم تارىلىپ, قالىپتى دەنساۋلىعىم ٶزگەشە كٷيگە تٷستٸ. اۋرۋ ەبدەن مازا بەرمەگەننەن كەيٸن دەرٸگەرلەر كٶمەگٸنە جٷگٸنۋدٸ جٶن كٶردٸم. ٷيگە كەلگەن جەدەل جەردەم دەرٸگەرلەرٸ مەنٸ اۋرۋحاناعا الىپ كەتتٸ. ەكٸ مەديتسينا مامانى الدىمەن العاشقى مەديتسينالىق كٶمەك كٶرسەتتٸ. سودان كەيٸن ينفەكتسييالىق بٶلٸمدەگٸ جانساقتاۋ بٶلٸمٸنە جاتقىزۋعا شەشٸم قابىلدادى. اتالعان بٶلٸم مەڭگەرۋشٸسٸ ەدٸلبەك مەلٸكوۆ, تەراپەۆت-دەرٸگەرلەر دينارا جٷسٸپوۆا, التىناي جٷسٸپوۆا مەن ناۋرىز قوزانوۆ, مەدبيكەلەر ەر ناۋقاسقا تىنىم تاپپاي كٶمەك كٶرسەتتٸ. بٸلٸكتٸ ماماندار 4-5 ساعات ٸشٸندە دەنساۋلىعىمدى قالپىنا كەلتٸردٸ. سودان كەيٸن پالاتاعا اۋىستىردى. باس دەرٸگەر باقىتجان نىسانباەۆ ۇدايى بٶلٸمدە ەمدەلٸپ جاتقان ناۋقاستاردىڭ جاعدايىن سۇراپ-بٸلٸپ جٷردٸ», - دەيدٸ تامارا ەشمانوۆا.
ول كٸسٸ وسى ۋاقىتقا دەيٸن اق حالاتتى ابزال جانداردىڭ ەڭبەگٸ ەلەۋسٸز قالىپ جٷرگەنٸن تٸلگە تيەك ەتتٸ. قازٸر ولار ٶز دەنساۋلىعىنا قاراماستان اۋىرعانداردىڭ اماندىعى ٷشٸن كٷرەسٸپ جٷر.
«انتىنا ادال دەرٸگەرلەردٸ بٷگٸنگٸ كٷننٸڭ ناعىز باتىرلارى دەسەك, ەبدەن جاراسادى. باقىتجان نىسانباەۆ باسقاراتىن اۋرۋحانا ۇجىمىنا ايتار العىسىمىز شەكسٸز. سول دەرتٸڭە شيپا تانىتقان مامانداردىڭ ارقاسىندا اۋىر ٸندەتتٸ جەڭٸپ شىقتىم. ولار قىزمەت بارىسىندا ەم-دومنان بٶلەك, پسيحولوگييالىق تۇرعىدان زور كٶمەك كٶرسەتٸپ, ٶمٸرگە دەگەن قۇلشىنىسىمىزدى ارتتىردى. بٷگٸندە وتباسىمىز تٷگەلدەي جازىلىپ, ٷيٸمٸزگە امان-ەسەن ورالدىق. بۇل سىناقتان دا امان-ەسەن ٶتەرٸمٸزگە سەنٸم مول», - دەدٸ تامارا ەشمانوۆا.
