فوتو: t.me/POLICE_of_KZ
پرەمەر-مينيستر ەليحان سمايىلوۆ قاراعاندى وبلىسىندا قازا بولعان دەرٸگەرلەردٸڭ وتباسىنا كٶڭٸل ايتىپ, جول قاۋٸپسٸزدٸگٸن قامتاماسىز ەتۋ بويىنشا تاپسىرما بەردٸ, - دەپ حابارلايدى Tengrinews.kz.
"كەشە كەشكٸسٸن قاراعاندى وبلىسىندا قايعىلى جاعداي ورىن العانىن بٸلەسٸزدەر. سارىشاعان اۋىلىنىڭ ماڭىندا جول اپاتىنان 2 دەرٸگەر قازا تاۋىپ, 8 مەديتسينا قىزمەتكەرٸ زارداپ شەكتٸ", - پرەمەر-مينيستر.
سمايىلوۆتىڭ ايتۋىنشا, "قازاقمىس" كومپانيياسىنىڭ قىزمەتكەرلەرٸ مەديتسينالىق تەكسەرۋدەن كەيٸن قايتىپ كەلە جاتقان.
"قازا بولعانداردىڭ تۋىستارى مەن جاقىندارىنا قايعىرىپ كٶڭٸل ايتامىن. ال, زارداپ شەككەندەردٸڭ تەزٸرەك ساۋىعىپ كەتۋلەرٸن تٸلەيمٸن. پرەمەر-مينيستر كەڭسەسٸنە ٷكٸمەتتٸڭ تاياۋداعى وتىرىستارىنىڭ بٸرٸنٸڭ كٷن تەرتٸبٸنە جولداعى قاۋٸپسٸزدٸك مەسەلەسٸن ەنگٸزۋدٸ تاپسىرامىن", - دەدٸ ەليحان سمايىلوۆ.
ەسكە سالايىق, قاراعاندى وبلىسىندا جول اپاتىنان ەكٸ دەرٸگەر قازا تاۋىپ, "جەزقازعان مەديتسينالىق ورتالىعى" جشس بالقاش قالالىق ەمحاناسىنىڭ سەگٸز مەديتسينا قىزمەتكەرٸ زارداپ شەككەنٸ حابارلانعان بولاتىن. دەرٸگەرلەر بالقاش قالاسىنداعى "قازاقمىس" كومپانيياسىنىڭ جۇمىسشىلارىن پروفيلاكتيكالىق قاراپ-تەكسەرۋدەن ٶتكٸزٸپ, قايتىپ كەلە جاتقان. ولار مٸنگەن اۆتوبۋس ماز ماركالى جٷك اۆتوكٶلٸگٸمەن سوقتىعىسىپ, جول اپاتىنا ۇشىراعان.
