الماتىلىق دەرٸگەرلەر پىشاق جاراقاتىن العان دەنيس تەندٸ امان الىپ قالۋعا بارىن سالىپتى. الايدا, سپورتشى اۋرۋحاناعا جەتكٸزٸلگەندە كلينيكالىق ٶلٸمدە بولعاندىقتان, ونى قۇتقارۋ مٷمكٸن بولماعان. بۇل تۋرالى الماتى ورتالىق كلينيكالىق اۋرۋحاناسى باس دەرٸگەرٸنٸڭ مٸندەتٸن اتقارۋشى ەرجان قۇتتىعوجين ايتتى, دەپ حابارلايدى قازاقپارات تٸلشٸسٸ.
«دەنيس تەن اۋرۋحانا جەتكٸزٸلگەندە كلينيكالىق ٶلٸمدە بولدى. جەدەل جەردەم كٶلٸگٸندە جٷرەك پەن ٶكپەگە رەانيماتسييالىق ەرەكەتتەر جٷرگٸزٸلدٸ. رەانيماتسييالىق شارالار اۋرۋحانادا دا 2,5 ساعات جالعاستى. پاتسيەنت تولىعىمەن وتاعا دايىن بولدى. بٸراق, ەس-تٷسسٸز جاتقاندىقتان, كلينيكالىق ٶلٸمدە بولعاندىقتان, وتاعا دەيٸن جەتكەن جوق. ٶكٸنٸشكە وراي, ول 17:30-دا قايتىس بولدى», - دەدٸ ەرجان قۇتتىعوجين.
ايتا كەتۋ كەرەك, قالالىق ٸٸد باسپاسٶز قىزمەتٸنٸڭ حابارلاۋىنشا, وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا بٷگٸن تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان.
سپورتشى وڭ جاق سانىنىڭ جوعارعى تۇسىنان جاراقات العان.
