بٷگٸن ەل ٷكٸمەتٸنٸڭ وتىرىسىندا 2020-2025 جىلدارعا ارنالعان دەنساۋلىق ساقتاۋدى دامىتۋ مەملەكەتتٸك باعدارلاماسىنىڭ جوباسى تالقىلاندى, – دەپ حابارلايدى قازاقپارات.
«باعدارلامانىڭ ماقساتى – ساپالى جەنە قولجەتٸمدٸ دەنساۋلىق ساقتاۋدى قامتاماسىز ەتۋ. وسى ماقسات ٷش مٸندەت ارقىلى توعىز جۇمىس باعىتى اياسىندا ورىندالادى. العاشقى مٸندەت – قوعامدىق دەنساۋلىق ساقتاۋدى دامىتۋ. وسى ورايدا, تۇزدى تۇتىنۋ 31 پايىزعا, تەمەكٸ شەگۋ 13,6 پايىزعا, الكوگولدٸ تۇتىنۋ 16 پايىزعا تٶمەندەيدٸ. دەنە شىنىقتىرۋ جەنە سپورتپەن اينالىساتىن حالىق ٷلەسٸ 36 پايىزعا جەتەدٸ. ەكٸنشٸ باعىت اياسىندا تاماق ٶنٸمدەرٸنٸڭ ساپاسىنا, نەگٸزگٸ ينفەكتسييالىق اۋرۋلارمەن كٷرەسكە جەنە جاراقاتتانۋ مەن جازاتايىم وقيعالاردى تٶمەندەتۋگە نازار اۋدارىلادى», - دەدٸ باعدارلاما جوباسىن تانىستىرعان قر دەنساۋلىق ساقتاۋ مينيسترٸ ەلجان بٸرتانوۆ.
ونىڭ ايتۋىنشا, نەتيجەسٸندە ادامنىڭ يممۋن تاپشىلىعى ۆيرۋسٸنەن ەمدەۋمەن قامتۋ 29 پايىزعا ارتادى, جول-كٶلٸك وقيعاسىنان ٶلٸم 24 پايىزعا, تۋبەركۋلەزبەن سىرقاتتانۋ 9 پايىزعا, ۋلانۋدان ٶلٸم 10 پايىزعا تٶمەندەيدٸ. ٷشٸنشٸ باعىت اياسىندا اۋرۋلاردىڭ الدىن الۋعا, جاستار دەنساۋلىق ورتالىقتارىن كٷشەيتۋ ارقىلى بالالار مەن جاستار دەنساۋلىعىنا, ونىڭ ٸشٸندە مەنتالدٸ جەنە رەپرودۋكتيۆتٸ دەنساۋلىققا ەرەكشە كٶڭٸل بٶلٸنەدٸ. وسى شارالاردىڭ ارقاسىندا العاشقى مەديتسينالىق-سانيتارييالىق ۇيىمدارعا پروفيلاكتيكا ماقساتىمەن كەلۋ جيٸلٸگٸ 16 پايىزعا ارتادى.
«كەلەسٸ باعىت – ادامي كاپيتالدى دامىتۋ. مۇندا كەسٸبي دامىتۋدى جەتٸلدٸرۋ, بيومەديتسينالىق زەرتتەۋلەر نارىعىن دامىتىپ, كوممەرتسييالاندىرۋ, دەربەستەندٸرٸلگەن مەديتسينانى ەنگٸزۋ كٶزدەلگەن. جالاقىنى ارتتىرۋ, ەلەۋمەتتٸك قولداۋدى كٷشەيتۋ, كەسٸبي جاۋاپكەرشٸلٸكتٸ قورعاۋ ارقىلى مەديتسينالىق قىزمەتكەر مەرتەبەسٸن ارتتىرۋ جوسپارلانعان. دەرٸگەردٸڭ ورتاشا جالاقىسى 2025 جىلى 2,5 ەسەگە ٶسەدٸ جەنە اۋىلداعى مەديتسينالىق قىزمەتكەرلەرمەن قامتاماسىز ەتۋ 13 پايىزعا ارتادى, كلينيكالىق زەرتتەۋلەر سانى 2 ەسە كٶبەيەدٸ», - دەدٸ ول.
مينيستردٸڭ اتاپ ٶتٸنشە, بەسٸنشٸ باعىت اياسىندا پەدياترييا, وڭالتۋ جەنە باسقا مەديتسينالىق قىزمەتتەردٸ كەڭەيتۋ جەنە دەرٸ-دەرمەكپەن قامتاماسىز ەتۋدٸ جەتٸلدٸرٸلەدٸ. پاتسيەنتتەردٸڭ مەديتسينالىق كٶمەك ساپاسىنا قاناعاتتانۋ 65 پايىزعا دەيٸن ارتادى, مٷگەدەكتٸككە العاشقى شىعۋ دەڭگەيٸ 2,4 پايىزعا تٶمەندەيدٸ. ال التىنشى باعىت اقپاراتتىق جٷيەلەردٸ ودان ەرٸ دامىتۋدى, بيزنەس ينتەللەكت قۇرالدارىن ەنگٸزۋدٸ, قاشىقتىق مەديتسيناسىن دامىتۋدى, ستاتيستيكانىڭ جاڭا تەسٸلدەرٸن ەنگٸزۋدٸ كٶزدەيدٸ. وسىلايشا, ينتەروپەرابەلدٸك پلاتفورماسىمەن تولىق ينتەگراتسييالانعان مەديتسينالىق ۇيىمدار ٷلەسٸ 90 پايىزعا جەتەدٸ.
«دەنساۋلىق ساقتاۋ جٷيەسٸنٸڭ تۇراقتى دامۋى» دەگەن ٷشٸنشٸ مٸندەت اياسىندا حالىقتىڭ دەنساۋلىققا جەكە شىعىندارى 39 پايىزدان 27 پايىزعا تٶمەندەيدٸ. ەلباسىنىڭ تاپسىرماسىن ورىنداۋ بارىسىندا, العاشقى مەديتسينالىق-سانيتارييالىق كٶمەك پەن قوعامدىق دەنساۋلىق ساقتاۋدى قارجىلاندىرۋ جالپى شىعىستاردىڭ 60 پايىزىنا جەتەدٸ. سەگٸزٸنشٸ باعىت اياسىندا قۇرال-جابدىقتاردى جاڭارتۋعا, ٸرٸ وبەكتٸلەردٸ سالۋعا ينۆەستيتسييالىق شىعىنداردى ٶتەۋ, تاريفتەردٸ جەتٸلدٸرۋ كٶزدەلگەن. پرەزيدەنت تاپسىرماسى بويىنشا, مەديتسينالىق تەحنيكامەن جابدىقتاۋ 100 پايىزعا جەتەدٸ, مەديتسينالىق عيماراتتارىنىڭ توزۋى 32 پايىزعا تٶمەندەيدٸ, دەنساۋلىق سالاسىنا ينۆەستيتسييالار كٶلەمٸ التى جىلدا 2,8 تريلليون تەڭگەگە ارتادى. ونىڭ ٸشٸندە جەكە ينۆەستيتسييالار ٷلەسٸ 70 پايىزدان اسادى«, - دەدٸ ول.
ونىڭ دەرەگٸنشە, 2025 جىلعا دەيٸن حالىقارالىق ستاندارتتارعا ساي 19 زاماناۋي كٶپسالالى اۋرۋحانا سالىنادى جەنە بۇعان 1 ترلن تەڭگەدەن استام ينۆەستيتسييا تارتۋ جوسپارلانعان. بۇل ٸرٸ حالىقارالىق جەكە ينۆەستورلار ارقىلى ورىندالادى. وسىلايشا, ماڭىزدى اۋرۋحانا تٶسەك ورىندارى 50 پايىزعا جاڭارادى. بۇل ماقساتتا وسى جىلدىڭ 11 جەلتوقسانىندا قازاقستان رەسپۋبليكاسىنىڭ ٷكٸمەتٸ مەن ەۋروپا قايتا قۇرۋ جەنە دامۋ بانكٸ اراسىنداعى نيەت تۋرالى مەموراندۋمعا قول قويىلدى.
«توعىزىنشى باعىتقا مەنەدجەرلەردٸ دايىنداۋ جەنە جوبالىق باسقارۋدى ودان ەرٸ ەنگٸزۋ ەندٸ. اشىقتىقتى قامتاماسىز ەتۋ ٷشٸن, ٶڭٸرلەردٸڭ قاتىسۋىمەن دەنساۋلىق ساقتاۋدىڭ بارلىق دەڭگەيٸندە جوبالىق جۇمىس پەن كورپوراتيۆتۋ باسقارۋ كٶزدەلگەن. نەتيجەسٸندە, اككرەديتتەلگەن مەديتسينالىق ۇيىمدار ٷلەسٸ 70 پايىزعا, مەنەدجمەنت بويىنشا جوعارى كٶرسەتكٸشتەرٸ بار مەديتسينالىق ۇيىمدار ٷلەسٸ 45 پايىزعا جەتەدٸ» دەدٸ ەلجان بٸرتانوۆ.
