سەنات تٶراعاسى داريعا نازارباەۆا جوعارى پالاتانىڭ 2020 جىلداعى العاشقى وتىرىسىندا بٸرقاتار ماڭىزدى ۇسىنىس ايتتى, دەپ حابارلايدى Sputnik قازاقستان.
نازارباەۆا جىل باسىندا دەپۋتاتتار ٶڭٸرلەردە ساپار شەگٸپ, حالىقتىڭ جاعدايىن, زاڭدار مەن مەملەكەتتٸك باعدارلامالاردىڭ جٷزەگە اسۋ دەڭگەيٸن كٶرٸپ, جەرگٸلٸكتٸ ٶكٸلدٸ ورگانداردىڭ قىزمەتٸمەن تانىسقانىن اتاپ ٶتتٸ.
"ەلٸمٸزدٸڭ تٷپكٸر-تٷپكٸرٸندە قازاقستاندىقتاردى الاڭداتىپ وتىرعان جەرگٸلٸكتٸ جەرلەردەگٸ شەشٸمٸ تابىلماعان مەسەلەلەردٸ كٶزبە-كٶز كٶرٸپ, شەشٸمٸن تابۋدى قاجەت ەتەتٸن سۇراقتاردى تىڭدالدى. ەندٸ ولاردى شەشۋ جولدارىن قاراستىرۋ قاجەت. بۇل مەسەلەلەردٸڭ كٶپشٸلٸگٸ دەپۋتاتتىق ساۋالدار مەن سۇراقتارعا نەگٸز بولادى, پارلامەنتتٸك تىڭداۋلاردا, ٷكٸمەت ساعاتتارىندا جەنە تٷرلٸ كەزدەسۋلەردە كٶتەرٸلٸپ, ۇسىنىمدارعا ەنگٸزٸلٸپ, كوميتەتتەردٸڭ جۇمىس جوسپارلارىندا ەسكەرٸلەدٸ. ٷكٸمەتكە دەپۋتاتتىق ساۋال رەتٸندە جەتكٸزٸپ قانا قويماي, ورىندالۋىن قاداعالاۋ كەرەك, بۇل ٷشٸن دەپۋتاتقا بەرٸلگەن مٷمكٸندٸكتەردٸ تولىعىمەن پايدالانىڭىزدار.", - دەدٸ نازارباەۆا سەناتتىڭ جالپى وتىرىسىندا.
ونىڭ ايتۋىنشا, بيىل 80-گە جۋىق ٸس-شارا ٶتكٸزۋدٸ جوسپارلانىپ وتىر. اۋىل شارۋاشىلىعى سالاسىنىڭ پروبلەمالارىن كەسٸبي تٷردە كەڭٸنەن تالقىلاۋ ٷشٸن سەنات جانىنان اگروٶنەركەسٸپ كەشەنٸ جٶنٸندەگٸ كەڭەس قۇرۋ كٶزدەلۋدە.
"جاقىندا ٷكٸمەت زاڭ جوبالاۋ جۇمىستارىنىڭ وسى جىلعا ارنالعان جوسپارىن بەكٸتتٸ. 2020 جىلعى جوسپار جوباسىنا ماڭىزدى مەسەلەلەردٸ شەشۋگە, تۇڭعىش پرەزيدەنت–ەلباسى مەن مەملەكەت باسشىسىنىڭ تاپسىرمالارىن ورىنداۋعا باعىتتالعان 17 زاڭ جوباسى ەنگٸزٸلگەن. وسىعان بايلانىستى, كوميتەتتەر الدىن الا زاڭ جوباسىن ەزٸرلەۋشٸلەرمەن زاڭنامالىق جۇمىستاردى ٷيلەستٸرۋ قاجەت. بٸز وسى زاڭنامالىق قىزمەت پەن بٸرگە حالىقتى الاڭداتاتىن ٶزەكتٸ مەسەلەلەر بويىنشا ٷكٸمەتكە ناقتى ۇسىنىستار بەرٸپ, تيٸستٸ زاڭدارعا تٷزەتۋلەر ەنگٸزۋٸمٸز كەرەك", - دەدٸ سپيكەر.
سونىمەن قاتار, نازارباەۆا قۇقىق قورعاۋ ورگاندارىنىڭ نەمەسە ارناۋلى مەملەكەتتٸك ورگان قىزمەتكەرلەرٸنٸڭ ارانداتۋشىلىق ەرەكەتتەرٸ ٷشٸن جاۋاپكەرشٸلٸكتٸ كٷشەيتۋ كەرەك ەكەنٸن ايتتى. وسى ارقىلى ازاماتتاردىڭ قۇقىعىن قورعاۋدىڭ كەپٸلدٸكتەرٸن ارتتىرۋدى ۇسىندى.
سونداي-اق, ۇسىنىستاردىڭ اراسىندا:
شىنايى دەلەلدەردٸڭ جەتكٸلٸكتٸ جيىنتىعىمەن راستالماعان مەلٸمەتتەرمەن قىلمىستىق جاۋاپتىلىققا تارتۋعا, تەك كۋەلٸك ەتۋ نەگٸزٸندە جاۋاپكەرشٸلٸككە تارتۋ مەن سوتتاۋعا تىيىم سالۋ;
ەكٸمشٸلٸك يۋستيتسييانى ەنگٸزۋ, زاڭناماداعى بارلىق تٷسٸنٸكسٸز قاراما-قايشىلىقتاردى ازاماتتار مەن بيزنەستٸڭ پايداسىنا تٷسٸندٸرۋدٸ قامتاماسىز ەتۋ, ولارعا مەملەكەتتٸك ورگاندارمەن ٶزارا قارىم-قاتىناسقا تەڭ جاعداي جاساۋ;
جەرگٸلٸكتٸ ماڭىزى بار ەلەۋمەتتٸك-ەكونوميكالىق مٸندەتتەردٸ شەشۋدە اۋداندىق, قالالىق جەنە اۋىلدىق دەڭگەيدەگٸ بيلٸكتٸڭ دەربەستٸگٸ مەن جاۋاپكەرشٸلٸگٸن كەڭەيتۋ دە بار.
"بٸز ٶز تاراپىمىزدان زاڭ قابىلداۋ قىزمەتٸنە جاۋاپكەرشٸلٸكپەن قاراپ, دەر كەزٸندە ورىنداۋعا مٸندەتتٸمٸز", - دەپ تٷيٸندەدٸ سٶزٸن نازارباەۆا.
