© Sputnik / ۆلاديسلاۆ ۆودنەۆ
دەنساۋلىق ساقتاۋ مينيسترلٸگٸ دەرٸ-دەرمەكتٸڭ قىمباتتاۋىنا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە جۋرناليستەر دەنساۋلىق ساقتاۋ مينيسترٸ اجار عينيياتتان دەرٸ-دەرمەكتٸڭ نە سەبەپتٸ قىمباتتاعانىن تٷسٸندٸرۋدٸ سۇرادى. ول وسى جۇمىسقا مەديتسينالىق جەنە فارماتسەۆتيكالىق باقىلاۋ كوميتەتٸ تولىق اقپارات بەرە الاتىنىن ايتىپ, سٶزدٸ كوميتەت تٶراعاسى باۋىرجان بايسەركينگە بەردٸ.
ونىڭ ايتۋىنشا, بٷگٸندە دەرٸ-دەرمەكتٸڭ شەكتٸ باعاسى بەلگٸلەنگەن. بٸراق ول "ناقتى بٸر باعا بەكٸتٸلگەن" دەگەن سٶز ەمەس. مەملەكەت باعانىڭ ماكسيمالدى جەنە مينيمالدى شەگٸن بەلگٸلەيدٸ. جەكە مەنشٸك دەرٸحانالار باعانى ودان جوعارى كٶتەرمەۋٸ كەرەك.
"تەرتٸپ بويىنشا دەرٸحانالار سول مينيمالدى جەنە ماكسيمالدى شەكتٸڭ اراسىنداعى باعانى قويا الادى. ودان جوعارى كٶتەرۋگە بولمايدى. بٸز سول جوعارى شەكتٸ باقىلاپ وتىرامىز. وسى ۋاقىتقا دەيٸن باعانى ەكٸ-ٷش ەسەگە كٶتەرۋ جاعدايلارى تٸركەلگەن جوق", - دەيدٸ بايسەركين.
كوميتەت باسشىسى جىلىنا ەكٸ رەت باعانىڭ قايتا قارالاتىنىن دا ەسكە سالدى. قازٸرگٸ شەكتٸ باعالار ماۋسىم ايىنا دەيٸن ساقتالۋى شارت. الايدا جەكە مەنشٸك دەرٸحانالار تاراپىنان باعانى شەكتٸ مٶلشەردەن كٶتەرۋ جاعدايلارى بار. رەسپۋبليكا بويىنشا 40 رەت انىقتالدى. بارلىعىنا ايىپپۇل سالىندى.
"ەگەر بەلگٸلٸ بٸر پرەپاراتتىڭ باعاسىن قاتتى كٶتەرٸپ جٸبەرسە, مەديتسينالىق جەنە فارماتسەۆتيكالىق باقىلاۋ كوميتەتٸنٸڭ ايماقتىق بٶلٸمشەلەرٸنە شاعىم تٷسٸرە الاسىز. تٷبٸرتەكتٸ ساقتاپ قويىڭىز. ونى دا كٶرسەتۋ كەرەك بولادى. سونىڭ نەگٸزٸندە بٸز تەكسەرٸس جاسايمىز", - دەپ اتاپ كٶرسەتتٸ بايسەركين.
قازٸرگٸ كەزدە جىلدىڭ ەكٸنشٸ جارتىسىنا شەكتٸ باعالاردى بەلگٸلەۋ شارالارى اتقارىلىپ جاتىر. ول ٷشٸن ارنايى بۇيرىق بولادى. وسى قۇجات قوعام تالقىلاۋىنا شىعارىلادى.
دەنساۋلىق ساقتاۋ مينيسترٸ اجار عينييات جەكە مەنشٸك دەرٸحانالاردى ارىز-شاعىمسىز تەكسەرۋگە رۇقسات جوق ەكەنٸن ەرەكشە اتاپ ٶتتٸ. ال قوعام تاراپىنان باقىلاۋ بولسا, مينيسترلٸك شۇعىل تٷردە تەكسەرٸس جاساي الادى. ول ٷشٸن مەديتسينالىق جەنە فارماتسەۆتيكالىق باقىلاۋ كوميتەتٸ شاعىم تٷسۋٸ كەرەك.
