جاقىندا «ەگەمەن قازاقستان» گازەتٸنە, كٶرنەكتٸ مەملەكەت قايراتكەرٸ, سەناتتىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ تٶراعاسى, الاششىل ازامات مۇحتار قۇل-مۇحاممەدتٸڭ «ٶشپەس ەرلٸك» اتتى ماقالاسى جارىق كٶردٸ. ماقالادا ٸٸ دٷنيەجٷزٸلٸك سوعىس كەزٸندە قايسارلىعىمەن تانىلىپ, 289 نەمٸستٸ جەر جاستاندىرعان, ٶزٸ دە سول كەسكٸلەسكەن ۇرىستا قازا تاپقان داڭقتى سۇرمەرگەن ىبىرايىم سٷلەيمەنوۆتٸڭ ەرلٸگٸ باياندالادى.
ىبىرايىم سٷلەيمەنوۆ - قازٸرگٸ جامبىل وبلىسىنىڭ تۋماسى. ماقالادا ايتىلعانداي, ول 1941 جىلى ەسكەرگە شاقىرىلىپ, الماتىداعى 100-اتقىشتار بريگاداسىنا كەلٸپ قوسىلادى. ال 1942 جىلدىڭ تامىزىندا مەسكەۋ ەسكەري وكرۋگٸنٸڭ قاراماعانىنا كەلٸپ, وسى جىلدىڭ قازان ايىندا كالينين مايدانىنىڭ قۇرامىندا سوعىسقا ارالاسادى.
قۇرالايدى كٶزگە اتقان مەرگەن اتامىز ٸٸ جاھان سوعىسى تاريحىنداعى ٷش ٷلكەن ەسكەري وپەراتسيياعا – «مارس» دەپ اتالاتىن رجەۆ, سىچەۆكا باعىتىنداعى شابۋىلعا, ۆەليكيە لۋكي قالاسىن ازات ەتۋ جورىعىنا جەنە نەۆەل قالاسىن جاۋدان بوساتۋعا ارنالعان شايقاستارعا قاتىسىپتى. وسىنىڭ بەرٸندە عاجايىپ مەرگەندٸگٸمەن كٶزگە تٷسٸپ, ٷش رەت قاتارىنان ەسكەري ماراپاتقا ۇسىنىلادى.
ونىڭ ەرلٸگٸن ۇلى وتان سوعىسىنىڭ داڭقتى قولباسشىلارى – كەڭەس وداعىنىڭ باتىرى, ارمييا گەنەرالى ك.گاليتسكيي, گەنەرال-لەيتەنانت ف.ليسيتسىن, گەنەرال-مايور ف.زۋەۆ جەنە گەنەرال-مايور ا.ليتۆينوۆ مويىندادى. مويىنداپ قانا قويعان جوق, مەرگەندٸ قاتارىنان بٸرنەشە رەت مەرتەبەلٸ ماراپاتتارعا ۇسىنىپ, سوعىس اياقتالعاننان كەيٸن جارييالاعان ەسكەري مەمۋارلارىندا ونىڭ ەرلٸگٸن زور ريزاشىلىقپەن تامسانا جازادى.
تٸپتٸ قازاق جاۋىنگەرٸنٸڭ داڭقى شارىقتاپ, شىرقاۋ شىڭعا جەتكەندە – 1943 جىلدىڭ 9 شٸلدەسٸندە ىبىرايىم سٷلەيمەنوۆ كەڭەس وداعىنىڭ باتىرى اتاعىنا ۇسىنىلادى. بۇل قۇجاتقا ٷش بٸردەي ورىس گەنەرالى ك.گاليتسكيي, ا.ليتۆينوۆ جەنە ف.زۋەۆ قول قويعان. دەگەنمەن, تٷرلٸ سەبەپتەرمەن سٷلەيمەنوۆكە دەڭگەيٸ بٸر دەرەجەگە تٶمەن لەنين وردەنٸ عانا بەرٸلەدٸ. ماقالادا وسىنداي دەرەكتەردٸڭ بەرٸ رەسەي فەدەراتسيياسى قورعانىس مينيسترلٸگٸنٸڭ ورتالىق ەسكەري مۇراعاتىندا ساقتالىپ تۇرعان ناقتى مەلٸمەتتەرمەن دەلەلدٸ تٷردە كەلتٸرٸلگەن. قۇجاتتاردىڭ سۋرەتتەرٸ دە قوسا بەرٸلگەن.
سونداي-اق, وسى ماقالادا كەزٸندە التىن جۇلدىز بۇيىرماعان ىبىرايىم سٷلەيمەنوۆكە تەۋەلسٸز قازاق ەلٸنٸڭ «حالىق قاھارمانى» اتاعىن بەرۋ تۋرالى مەسەلە كٶتەرٸلگەن. شىن مەنٸندە, بۇل - ەبدەن قولداۋعا تۇرارلىق باستاما. وسى باستاما نازاردان تىس قالماي, تيٸستٸ شەشٸمدەر قابىلدانسا ەكەن دەگەن تٸلەگٸمٸز بار.
ەل بولدىق, ەڭسە كٶتەردٸك دەپ شٸرەنگەندە ٷزەڭگٸنٸ ٷزە جازدايتىنىمىز راس. سونى ٸس جٷزٸندە دەلەلدەپ, بولاشاق ۇرپاقتىڭ بەيبٸتشٸلٸگٸ ٷشٸن قۇربان بولعان داڭقتى باتىر بابامىزعا لايىقتى قۇرمەت كٶرسەتۋ – بارشامىزدىڭ ابىرويلى مٸندەتٸمٸز.
