قر ەكولوگييا, گەولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ ورىنباسارى دانييار تۇرعانباەۆ ۇلتتىق تابيعي ساياباقتاردا مامان تاپشىلىعى بار ەكەنٸن مەسەلە ەتٸپ كٶتەردٸ, دەپ حابارلايدى قازاقپارات.
«ۇلتتىق پاركتەردٸ قوقىسپەن لاستاۋ مەسەلەسٸ شىنىمەن ٶزەكتٸ. بٸزدٸڭ ينسپەكتورلار ونىمەن اينالىسىپ جاتىر. ۇلتتىق پاركتەردٸڭ ٶز ينسپەكتورلارى بار, اۋماقتىق ينسپەكتسييالاردىڭ ٶكٸلەتتٸ ينسپەكتورلارى بار. ولار وسىعان دەيٸن قوقىسپەن كٷرەسٸپ كەلگەن, ەلٸ دە كٷرەسە بەرەدٸ. بۇل جەردەگٸ جالعىز مەسەلە – ينسپەكتورلاردىڭ سانى از. قالاي دەسەك تە, ٸشكٸ تۋريزم ارتىپ كەلەدٸ. ۇلتتىق پاركتەرگە بارۋشىلاردىڭ ٷلەسٸ كٶبەيٸپ جاتىر. ينسپەكتورلاردىڭ ۇلتتىق پاركتٸ قوقىستان تازارتۋدان باسقا دا مٸندەتتەرٸ كٶپ. سوندىقتان مامان تاپشىلىعى بار. بٸز ۇلتتىق ساياباقتارعا كٸرگەنٸ ٷشٸن الاتىن تٶلەمنٸڭ بٸر بٶلٸگٸن قوسىمشا جۇمىس كٷشٸن جالداۋعا باعىتتاعالى وتىرمىز», - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگٸدە.
ماماننىڭ مەلٸمەتٸ بويىنشا, ەلدەگٸ ۇلتتىق پاركتەردٸڭ بەرٸندەگٸ ينسپەكتورلاردىڭ سانى 800-گە دە جەتپەيدٸ.
«ەلدەگٸ ۇلتتىق تابيعي پاركتەردە بارلىعى 750-800 ينسپەكتور بار. بۇل ينسپەكتورلار تەك تۋريستٸك نىسانداردىڭ تازالىعىن كٷزەتۋمەن شەكتەلمەيدٸ. ۇلتتىق پاركتەردٸڭ ەڭ كٸشٸسٸ 50 مىڭ گەكتارعا سوزىلىپ جاتسا, ەڭ ٷلكەندەرٸ 700 مىڭ گەكتارعا دەيٸن جايىلىپ جاتىر. وسى اۋماقتىڭ بەرٸندە ورمان شارۋاشىلىعىمەن بايلانىستى باسقا دا جۇمىستارى بار. ياعني, 700 ينسپەكتور تۋريستٸك نىسانداردان شىقپايدى دەگەن تٷسٸنٸك بولماۋى كەرەك. ورمان القابىن قالپىنا كەلتٸرۋ, ٶرتتەن قورعاۋ, ٶسٸمدٸكتەر مەن جانۋارلار ەلەمٸن كٷزەتۋ سيياقتى جۇمىستارى بار. سوندىقتان تۋريستٸك نىساندارداعى ينسپەكتورلاردىڭ جەتٸسپەيتٸنٸ راس», - دەدٸ كوميتەت تٶراعاسىنىڭ ورىنباسارى.
