جەمقورلىقپەن كٷرەس - بۇل پاراساتتىلىق يدەولوگيياسى مەن ادالدىق مەدەنيەتٸن قالىپتاستىرۋ. بۇل تۋرالى قر سىبايلاس جەمقورلىققا قارسىٸس-قيمىل اگەنتتٸگٸ تٶراعاسىنىڭ كەڭەسشٸسٸ دانييار سابىرباەۆ ايتتى, دەپ حابارلايدى قازاقپارات.
«جەمقورلىقپەن كٷرەس قوعامنىڭ, ونىڭ ٸشٸندە ازاماتتىق قوعامنىڭ قاجەتتٸلٸگٸن قاناعاتتاندىرۋ ماقساتىندا جٷرگٸزٸلەدٸ. سوندىقتان ونىمەن كٷرەس تيٸمدٸلٸگٸ بٸرٸنشٸ ساتىدا تۇرادى. ال سىبايلاس جەمقورلىققا قارسى قىزمەت جۇمىسى ازاماتتىق قوعام قاجەتتٸلٸگٸ مەن سۇرانىسىنا جاۋاپ رەاكتسييا دەسەك بولادى. بٷگٸندە اگەنتتٸك بۇل سۇرانىسقا دەر ۋاقىتىندا ەرٸ بارىنشا تيٸمدٸ جاۋاپ بەرەتٸن مەملەكەتتٸك ورگانعا اينالىپ وتىر. ازاماتتىق قوعاممەن ٶزارا ٸس-قيمىل فورماسىنا كەلەر بولساق, جالپى مۇنداي فورمانىڭ, سونىمەن بٸرگە كوممۋنيكاتسييالىق قۇرالداردىڭ كٶپ ەكەندٸگٸن تٷسٸنۋ قاجەت. ولاردىڭ بارلىعى ٷنەمٸ قولدانىستا بولۋى تيٸس. ارالىق ماقسات قويماۋ قاجەت. ماقسات - جەمقورلىقتى جويۋعا باعىتتالۋى تيٸس», - دەدٸ ول IX ازاماتتىق فورۋم اياسىندا ٶتٸپ جاتقان «ازاماتتىق قوعام جەمقورلىققا قارسى» تاقىرىبىنداعى ساراپشىلىق الاڭدا.
ونىڭ اتاپ ٶتۋٸنشە, اگەنتتٸك ازاماتتىق قوعام تاراپىنان ٶزٸنە بارىنشا جاۋاپتى سەرٸكتەستەردٸ تاۋىپ وتىر. ولارمەن بٸرگە «Adaldyq alany», «Sapaly zhol» جوبالارى تيٸمدٸ جٷزەگە اسىرىلىپ جاتىر.
«جەمقورلىقپەن كٷرەس قۇقىقتىق اعارتۋشىلىقپەن دە بايلانىستى. جالپى, جەمقورلىقپەن كٷرەس جاھاندىق دٷنيە. سوندىقتان دا اگەنتتٸك وسى باعىتتا ٸلگەرٸلەپ كەلە جاتىر. نەگٸزٸندە جەمقورلىقپەن كٷرەس - پاراساتتىلىق يدەولوگيياسى مەن ادالدىق مەدەنيەتٸن قالىپتاستىرۋ. ياعني ادام قوعامدا ىماراعا كەلۋ, ساتىپ الۋ قاجەتتٸلٸگٸنسٸز ٶمٸر سٷرۋ كەرەك. مىناۋ ماڭىزدى, مىنانىڭ ماڭىزدىلىعى تٶمەن دەۋگە بولمايدى. جەمقورلىقپەن كٷرەستەگٸ ەربٸر دٷنيە تٷبەگەيلٸ ٶزٸندٸك سيپاتقا يە», - دەدٸ دانييار سابىرباەۆ.
