پوليتسييا قىزمەتكەرٸ دانييار مەيٸرحانعا قاتىستى قىلمىستىق ٸس توقتاتىلدى. بۇل تۋرالى مەيٸرحاننىڭ ادۆوكاتى شىمىرباي اعابەكوۆ مەلٸمدەدٸ, - دەپ حابارلايدى Tengrinews.kz اگەنتتٸگٸ.
ايتا كەتەيٸك, بيىل مامىردا تٷلكٸباس اۋدانى پوليتسيياسىنىڭ باسشىسى دانييار مەيٸرحاننىڭ قىزمەتٸنەن ۋاقىتشا بوساتىلعانى بەلگٸلٸ بولعان. وعان اسا ٸرٸ كٶلەمدەگٸ الاياقتىق (قر قك 190-بابى, 4-بٶلٸگٸ, 2-تارماعى) بويىنشا ٸس قوزعالدى. كەيٸن ول 40 ميلليون تەڭگە كەپٸلمەن بوساتىلدى.
ادۆوكات شىمىرباي اعابەكوۆتٸڭ ايتۋىنشا, ونىڭ قورعاۋىنداعى ازاماتقا قاتىستى قىلمىستىق ٸس قىلمىس قۇرامىنىڭ جوقتىعىنا بايلانىستى توقتاعان.
"قىلمىس قۇرامىنىڭ بولماۋىنا بايلانىستى قىلمىستىق ٸس تولىعىمەن توقتاتىلدى. ياعني, ول ەشقانداي زاڭعا قايشى ەرەكەت جاساماعان. باستاپقىدا بۇل ٸستٸ قالالىق پوليتسييا باسقارماسىنىڭ ٸشكٸ قاۋٸپسٸزدٸك باسقارماسى (وقب) تەرگەگەن. ودان كەيٸن ٸس سىبايلاس جەمقورلىققا قارسى قىزمەتتٸڭ قاراۋىنا بەرٸلدٸ. سىبايلاس جەمقورلىققا قارسى قىزمەت بٸراز ۋاقىت تەرگەپ, كەيٸن توقتاتۋ تۋرالى تٷپكٸلٸكتٸ شەشٸم قابىلدادى. قالا پروكۋرورى بۇل شەشٸممەن كەلٸستٸ. ول تولىق اقتالدى", - دەدٸ زاڭگەر شىمىرباي اعابەكوۆ.
دانييار مەيٸرحان 1981 جىلى تۋعان, ٸشكٸ ٸستەر ورگاندارىندا 2003 جىلدان بەرٸ قىزمەت ەتٸپ كەلەدٸ.
2020 جىلدىڭ ناۋرىزىنان بەرٸ تٷلكٸباس اۋداندىق ٸشكٸ ٸستەر باسقارماسىنىڭ باستىعى. بۇعان دەيٸن ول تٷركٸستان قالالىق ٸٸب باستىعى قىزمەتٸن اتقارعان.
