قازاقستاندىق كەسٸپقوي بوكسشى دانييار ەلەۋسٸنوۆ تولىققاندى ەلەم چەمپيونى اتانۋ مٷمكٸندٸگٸنە يە بولدى – ريو-2016 وليمپياداسىنىڭ چەمپيونى جارتىلاي ورتا سالماقتاعى IBO بەلبەۋٸ ٷشٸن جۇدىرىقتاسادى. بۇل تۋرالى بوكسشىنىڭ مەنەدجەرٸ زييا ەليەۆ Vesti.kz سايتىنا بەرگەن سۇحباتىندا ايتتى, دەپ حابارلايدى Tengrinews.kz اگەنتتٸگٸ.
"سەنساتسييا بولاتىن جاڭالىعىمىز بار. ونى بارشا قازاقستاندىق بوكس جانكٷيەرٸمەن بٶلٸسەمٸز. وليمپيادا چەمپيونى دانييار ەلەۋسٸنوۆ بيىل تاريحتا قالادى. ول جارتىلاي ورتا سالماقتاعى IBO تۇجىرىمى بويىنشا نەگٸزگٸ چەمپيوندىق بەلبەۋ ٷشٸن جۇدىرىقتاسادى. جەكپە-جەك 18 جەلتوقساندا نۇر-سۇلتاننىڭ Jekpe-Jek ارەناسىندا ٶتەدٸ. بۇل بوكس كەشٸ قازاقستان تەۋەلسٸزدٸگٸنٸڭ 30 جىلدىعىنا ارنالعان, ەلٸمٸزدٸڭ بارشا ازاماتى ٷشٸن باعا جەتپەس سىيلىق بولارى حاق. بۇل - قازاقستاننىڭ ٷزدٸك بوكسشىلارى جۇدىرىقتاساتىن ەلەمدٸك دەڭگەيدەگٸ بوكس كەشٸ. دانييار ەلەم چەمپيونى بولۋ ٷشٸن نەگٸزگٸ جەكپە-جەكتە بار كٷشٸن سالادى. IBO رەسمي تٷردە راستادى. قارسىلاستىڭ ەسٸمٸ جاقىن ارادا بەلگٸلٸ بولادى, رەسمي مەلٸمدەمە جاسايمىز", - دەدٸ زييا ەليەۆ.
ەسكە سالايىق, 18 جەلتوقساندا نۇر-سۇلتاندا ٷلكەن بوكس كەشٸ ٶتەدٸ. ەلەۋسٸنوۆ كەسٸپقوي بوكستاعى قازاقستاندىق بەسٸنشٸ ەلەم چەمپيونى بولۋى مٷمكٸن. بۇعان دەيٸن گەنناديي گولوۆكين (قازٸرگٸ – IBF, IBO), بەيبٸت شٷمەنوۆ, جانات جاقييانوۆ جەنە ۆاسيليي جيروۆ ەلەم چەمپيونى اتانعان بولاتىن.
