شىعىس قازاقستان وبلىسىنىڭ ەكٸمٸ دانيال احمەتوۆ ٶڭٸردە ەڭبەك ميگراتسيياسىن رەتتەۋ جەنە ورالمانداردى قابىلداۋ جۇمىستارى سالعىرت جٷرٸپ جاتقانىن سىنعا الدى, دەپ حابارلايدى قازاقپارات تٸلشٸسٸ.
بۇل مەسەلە بٷگٸن وبلىس ەكٸمدٸگٸنٸڭ كەزەكتٸ مەجٸلٸسٸندە تالقىلاندى. «ٶنٸمدٸ جۇمىسپەن قامتۋ-2020» باعدارلاماسىنىڭ اياسىندا شىعىس قازاقستانعا بيىل 714 وتباسى كٶشٸپ كەلۋٸ تيٸس. اتالمىش كۆوتانىڭ 364-ٸ تٷركٸستان, قىزىلوردا, ماڭعىستاۋ, الماتى وبلىستارىنان قونىس اۋدارۋشىلارعا بٶلٸنسە, قالعان 350-ٸ شەتەلدٸك قانداستاردىڭ وتباسىلارىنا ارنالعان. سەگٸز ايدىڭ ٸشٸندە اتالمىش كۆوتا 36,2 پايىزعا عانا ورىندالعان. وبلىستىق جۇمىسپەن قامتۋ جەنە ەلەۋمەتتٸك باعدارلامالاردى رەتتەۋ باسقارماسىنىڭ باسشىسى ەلەنا ستارەنكوۆا قونىس اۋدارۋشىلاردى قابىلداۋعا جاۋاپتى اۋدانداردىڭ سىلبىرلىعى كٶشتٸ تەجەپ تۇر دەگەن پٸكٸر بٸلدٸردٸ.
«ەسٸرەسە, سەمەي جەنە كۋرچاتوۆ قالالارى, اباي, اياگٶز, زايسان, كٶكپەكتٸ, كٷرشٸم, تارباعاتاي, ٷرجار اۋداندارى بەلگٸلەنگەن كۆوتانى يگەرمەي وتىر» - دەدٸ ەلەنا ستارەنكوۆا.
دانيال احمەتوۆ باسقارما باسشىسىنا اتالمىش مەسەلەگە مۇقييات بولۋدى تاپسىردى.
«ەۋەلٸ سٸزدٸڭ ٶزٸڭٸزگە جۇمىس تەسٸلٸن ٶزگەرتۋ كەرەك. بٶلٸنگەن كۆوتانىڭ ناقتى قانداي اۋىلدىق وكرۋگكە بەرٸلگەنٸن بٸلمەي وتىرسىز. جۇمىسقا بۇلاي سالعىرت قاراۋعا بولمايدى. كٶشٸ-قون دەگەنٸڭٸز - مەملەكەتتٸك مەسەلە. بٸزدٸڭ كاتونقاراعاي اۋدانىندا جىل سايىن حالىق ازايىپ بارادى. ال سٸزدەر بٶلٸنگەن كۆوتانىڭ ٶزٸن يگەرە الماي وتىرسىزدار. اۋىلدى دامىتۋعا بٶلٸنگەن 3,5 ملرد تەڭگەنٸڭ نەسيەسٸن 30 پايىز عانا يگەرگەنسٸزدەر. ەيتەۋٸر يگەرە المايدى ەكەنسٸزدەر, سول اقشانى كٶشٸپ كەلەتٸن وتباسىلارعا باعىتتاڭىزدار. ونسىز دا ەل اۋىلدان ٷدەرە كٶشۋدە. ال بٸز قول قۋسىرىپ, قاراپ وتىرمىز. اتالمىش كۆوتا گلۋبوكوە, شەمونايحا, زىريان اۋداندارى مەن ريددەر قالاسىندا كٶپتەپ بٶلٸنۋٸ تيٸس. نەمقۇرايلىلىقتى قويىپ, وسى باعىتتا جۇمىس ٸستەڭٸز» - دەدٸ ايماق باسشىسى.
كەرٸ كەتكەن كٶشتٸ دۇرىس ارناعا بۇرۋ ٷشٸن ەندٸ ەر اۋدانداعى بوس ٷيلەردٸڭ تٸزٸمٸ جاسالىپ, ونى مەملەكەت مەنشٸگٸنە ساتىپ الۋ جەنە جٶندەۋ جۇمىستارى ۇيىمداستىرىلماق. سودان كەيٸن عانا ەر اۋدانعا بوس ٷيلەردٸڭ سانىنا بايلانىستى كۆوتا بٶلٸنەتٸن بولادى. ال كٶشٸپ كەلگەن وتباسىلاردى جۇمىسپەن قامتۋ ٷشٸن مەملەكەتتٸك جەر قورىنان ەگٸندٸك پەن جايىلىم تەلٸمدەرٸ بٶلٸنەدٸ. شاعىن نەسيە ارقىلى مال ساتىپ الۋعا دا جول اشىلماق.
«شەتەلدەن قانداستاردى شاقىرۋ جەتكٸلٸكسٸز. شاقىرعان ەكەنبٸز, دۇرىس جاعداي جاسالۋى تيٸس. تۇراتىن باسپاناسى, بالا-شاعاسىن اسىرايتىن كەسٸبٸ, جايىلىم مەن ەگٸندٸك جەرٸ بولۋى تيٸس. ال ٶزگە ٶڭٸرلەردەن كەلەتٸن وتباسىلاردى كٶشٸرٸپ الۋ ٷشٸن تارباعاتاي اۋدانىنىڭ تەجٸريبەسٸن پايدالانۋعا بولادى. كٶشٸپ كەلەتٸن جانۇيانىڭ ەرقايسىمەن جەكە تانسىپ, جۇمىس ٸستەۋگە نيەتٸ بار ادامداردى بٸرٸنشٸ كەزەكتە ەكەلۋ قاجەت» - دەدٸ دانيال احمەتوۆ.
