قازاقستاندىق جاس ەنشٸ دانەلييا تٶلەشوۆا America’s Got Talent بايقاۋىندا باق سىناپ جاتىر, دەپ حابارلايدى "ۇلت اقپارات".
دانەلييا بيىلعى ماۋسىمنىڭ 3-ەپيزودىندا ٶنەر كٶرسەتتٸ. ەنشٸ كانادالىق ٶنەرپاز Faouzia-نىڭ «Tears of Gold» اتتى ەنٸن ورىنداپ بەردٸ.
ونىڭ ٶنەرٸنەن سوڭ بٷكٸل زال ورنىنان تۇرىپ, قول سوقتى.
«مەن ەڭ تانىمال جوبا - America’s Got Talent بايقاۋىندا باق سىناپ جاتىرمىن. مەنٸڭشە, بۇل – بار ٶنەرپازدىڭ ارمانى. سەبەبٸ بۇل – دەڭگەيٸ جوعارى بايقاۋ. مەن بارلىق سىناقتا ٶزٸمدٸ بارىنشا كٶرسەتۋگە تىرىسامىن», - دەدٸ دانەلييا.
NBC ارناسىندا اتاقتى شوۋدىڭ 15-ماۋسىمى باستالدى. بۇل بايقاۋدىڭ قازىلار القاسىندا America’s Got Talent بايقاۋىنىڭ نەگٸزٸن قالاۋشى, پروديۋسەر سايمون كوۋەلل, تالانتتى اكتريسالار سوفييا ۆەرگارا, حايدي كلۋم, شوۋمەن حوۋي مەندەل بار.
تەلەجوبا 2006 جىلدىڭ 21 ماۋسىمىنان باستاپ ٶتٸپ كەلەدٸ.
باس جٷلدە - $1 000 000.
