Qazaqstandyq jas ánshi Daneliia Tóleshova America’s Got Talent baiqaýynda baq synap jatyr, dep habarlaidy "Ult aqparat".
Daneliia biylǵy maýsymnyń 3-epizodynda óner kórsetti. Ánshi kanadalyq ónerpaz Faouzia-nyń «Tears of Gold» atty ánin oryndap berdi.
Onyń ónerinen soń búkil zal ornynan turyp, qol soqty.
«Men eń tanymal joba - America’s Got Talent baiqaýynda baq synap jatyrmyn. Menińshe, bul – bar ónerpazdyń armany. Sebebi bul – deńgeii joǵary baiqaý. Men barlyq synaqta ózimdi barynsha kórsetýge tyrysamyn», - dedi Daneliia.
NBC arnasynda ataqty shoýdyń 15-maýsymy bastaldy. Bul baiqaýdyń qazylar alqasynda America’s Got Talent baiqaýynyń negizin qalaýshy, prodiýser Saimon Koýell, talantty aktrisalar Sofiia Vergara, Haidi Klým, shoýmen Hoýi Mendel bar.
Telejoba 2006 jyldyń 21 maýsymynan bastap ótip keledi.
Bas júlde - $1 000 000.
