قر پارلامەنت سەناتىنىڭ دەپۋتاتى دانا نۇرجٸگٸت كارانتين تەرتٸبٸن ساقتاۋ ٶزٸڭدٸ عانا ەمەس, ۇلتتى ساقتاۋ دەگەن پٸكٸردە, دەپ حابارلايدى "ۇلت اقپارات".
«قىمباتتى وتانداستار, ەلەمدٸ بٸر سەتتە تار قاپاسقا اينالدىرعان ٸندەت جارتى جىلعا جۋىق ۋاقىت ٸشٸندە, ٶكٸنٸشكە قاراي, ەربٸر قازاقستاندىق وتباسىن اينالىپ ٶتپەدٸ دەسەك - قاتەلەسپەيمٸز. اتا-انامىزدان, باۋىرلارىمىزدان, دوس, تانىس, ەرٸپتەستەرٸمٸزدەن قاپىدا ايىرىلىپ جپتىرمىز. كٶزگە كٶرٸنبەيتٸن, قۇبىلىپ بارىپ تۇتقيىلدان شاباتىن كەسٸرلٸ ٸندەت ەلٸمٸزدٸڭ قانشاما دارىنىن, داراسىن ارامىزدان جۇلىپ ەكەتتٸ.
«جاۋ جاعادان العاندا, بٶرٸ ەتٸكتەن شالادى» دەمەكشٸ, تار جەردە قوعامنىڭ ەسكٸ جارالارى - جەمقورلىق, الىپساتارلىق سيياقتى جيٸركەنٸشتٸ فاكتورلەر ەشكەرەلەنٸپ جاتسا, ەكٸنشٸ جاعىنان ٸندەتپەن كٷرەسٸپ جاتقان دەرٸگەرلەردٸڭ جانكەشتٸلٸگٸ, ولارعا كٶمەككە كەلگەن ەرٸكتٸلەر, جەر-جەردە قايىرىمدىلىق جاساپ جٷرگەن جانداردىڭ قاتارى كٶبەيٸپ, ادامگەرشٸلٸك پەن وتانسٷيگٸشتٸكتٸڭ ەڭ بيٸك ٷلگٸسٸنە كۋە بولىپ جاتىرمىز», - دەدٸ قر پارلامەنت سەناتىنىڭ دەپۋتاتى دانا نۇرجٸگٸت Instagram پاراقشاسىنا جارييالاعان بەينەجازبادا.
ونىڭ ايتۋىنشا, بۇل كٷرەس قازاقستان قوعامىن ٶزگەرتٸپ جاتىر.
«ۇلت رەتٸندە, قوعام رەتٸندە سىننان ٶتٸپ, ورتاق قاسٸرەتكە قارسى تۇرىپ, بەكي تٷستٸك دەپ انىق ايتا الامىن. بۇل كٷرەس بٸزدٸڭ ٶمٸر سالتىمىزدى ٶزگەرتتٸ. سول ارقىلى سانامىزدى ٶزگەرتٸپ جاتىر. ٸندەت ۇلت, مەملەكەت رەتٸندە ساقتالىپ, امان قالۋدىڭ باستى شارتى - تەمٸردەي تەرتٸپ ەكەنٸن سانامىزعا تۇرىپ قۇيىپ جاتىر. كەز كەلگەن تەرتٸپ قانمەن جازىلادى. ٶكٸنٸشكە قاراي, بۇل - اقيقات. ٸندەت قۇرباندارى وسى سٶزٸمە دەلەل. كارانتين تەرتٸبٸن ساقتاۋ ٶزٸڭدٸ عانا ەمەس, ۇلتتى ساقتاۋ ەكەنٸن ۇمىتپايىق. سابىر ساقتاپ, توي, جيىندى توقتاتىپ, جانازانى دا قازٸرگٸ جاعدايعا ساي ٶتكٸزٸپ, ٸندەتتٸڭ ٶرشۋٸنە جول بەرمەيٸك. بارلىعىڭىزعا اماندىق تٸلەيمٸن», - دەيدٸ ول.
