ۇلتتىق ەكونوميكا مينيسترٸ ر. دەلەنوۆ قر ٷكٸمەتٸندە ٶتكەن بريفينگتە مەملەكەت قىزمەتٸنٸڭ تۇراقتىلىعىن قامتاماسىز ەتۋ شارالارى تۋرالى پرەزيدەنت جارلىعىنا قاتىستى تٷسٸنٸكتەمە بەردٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
جارلىققا سەيكەس قر ٷكٸمەتٸنە سالىق تٶلەۋشٸلەردٸڭ ساناتتارىن, سالىق مٶلشەرلەمەلەرٸن جەنە سالىق سالۋ تەرتٸبٸن انىقتاۋ تاپسىرىلدى. ر. دەلەنوۆ اتاپ ٶتكەندەي, ۇلتتىق ەكونوميكا مينيسترلٸگٸ ۇسىنىستار ەزٸرلەدٸ.
«ٸرٸ ساۋدا نىساندارىن, كينوتەاترلاردى, تەاترلاردى, كٶرمەلەردٸ, سپورت نىساندارىن قولداۋ ٷشٸن سالىقتىق ىنتالاندىرۋ بەرۋ ۇسىنىلادى. بۇل – زاڭدى تۇلعالار مەن جەكە كەسٸپكەرلەردٸ مٷلٸك سالىعىنان بٸر جىلعا بوساتۋ, بٸر توقسان ٸشٸندە سالىق بەرەشەگٸ بويىنشا ٶسٸمپۇلدى ەسەپتەۋدٸ توقتاتا تۇرۋ جەنە سالىق ەسەپتٸلٸگٸ مەن ەسەپ ايىرىسۋلاردى بەرۋ مەرزٸمٸن ٷشٸنشٸ توقسانعا اۋىستىرۋ», — دەدٸ مينيستر.
ۇسىنىلىپ وتىرعان شارالاردى مەملەكەت باسشىسىمەن كەلٸسكەننەن كەيٸن ٷكٸمەت جاقىن ارادا قابىلدايتىن بولادى.
سونىمەن قاتار ر. دەلەنوۆ تابىستىڭ جوقتىعىنا بايلانىستى ٸرٸ مەيرامحانالار مەن باسقا دا ۋاقىتشا جابىلعان نىسانداردىڭ اقشا شىعىنىنىڭ الدىن الۋ, جالعا الۋ اقىسىن تٶلەۋ, قىزمەتكەرلەردٸڭ جالاقىسىن بەرۋ مەسەلەسٸن قالاي ەڭسەرۋگە بولاتىنىن تٷسٸندٸردٸ. ونىڭ ايتۋىنشا, بۇل مەسەلەنٸڭ بٸرنەشە شەشٸمٸ بار.
«بٸرٸنشٸدەن, ەگەر جالاقى ەسەپتەلمەسە, وندا جالاقىدان تابىس سالىعى ۇستالمايدى. بۇل قولدانىستاعى نورما. ەكٸنشٸدەن, ەگەر جالاقى ەسەپتەلسە, بٸراق كاسسالىق الشاقتىققا بايلانىستى سالىق مٸندەتتەمەلەرٸن ورىنداۋعا مٷمكٸندٸك بولماسا, سالىق بەرەشەگٸنە ٶسٸمپۇلدى ەسەپتەمەۋدٸ ەنگٸزۋ ۇسىنىلادى. بۇل ۋاقىتشا نورما. ٷشٸنشٸدەن, وسى جىلى جالپى بەلگٸلەنگەن رەجيمدە جۇمىس ٸستەيتٸن جەكە كەسٸپكەرلەردٸ تابىس سالىعىنان بوساتۋ ۇسىنىلادى. بۇل قاراجاتتى ٷنەمدەۋگە جەنە ولاردى جالاقى تٶلەۋگە جۇمساۋعا مٷمكٸندٸك بەرەدٸ», — دەدٸ ر. دەلەنوۆ.
سونىمەن قاتار, ونىڭ ايتۋىنشا, شوب-تٸڭ جەكەلەگەن ساناتتارىنا ارنالعان سالىقتىق ىنتالاندىرۋلار دا ٷي-جاي يەلەرٸنٸڭ جالداۋ مٶلشەرلەمەسٸن تٶمەندەتۋٸنە مٷمكٸندٸك بەرەدٸ.
