قر پارلامەنتٸ سەناتىنىڭ جالپى وتىرىسىندا ۇلتتىق بانك تٶراعاسىنىڭ ورىنباسارى اقىلجان بايماعامبەتوۆ رەسپۋبليكالىق بيۋدجەت ٶلشەمدەرٸن ناقتىلاۋ اياسىندا اقشا-نەسيە ساياساتى كٶرسەتكٸشتەرٸنٸڭ بولجامىن ۇسىندى, دەپ حابارلايدى قازاقپارات.
ونىڭ سٶزٸنە قاراعاندا, قازٸرگٸ كەزدە ەلەمدٸك ەكونوميكا بەلگٸسٸزدٸك ەرٸ سىرتقى كٷيزەلٸستەر ەسەرٸنٸڭ ىقپالىندا دامىپ جاتىر. اتالعان بولجامدار وسى جاعدايدى ەسكەرە وتىرىپ دايىندالعان.
«بٸرٸنشٸدەن, كوروناۆيرۋس پاندەميياسىنىڭ تارالۋى ورتا مەرزٸمدٸ پەرسپەكتيۆادا ەلەمدٸك ەكونوميكاعا ەسەر ەتەتٸن نەگٸزگٸ فاكتورلاردىڭ بٸرٸ بولىپ وتىر. ەكٸنشٸدەن, پاندەميياعا بايلانىستى احۋالدىڭ ناشارلاۋ تەۋەكەلدەرٸمەن قوسا اقش پەن قىتاي اراسىنداعى ساۋدا قاراما-قايشىلىقتارى, رەسەيگە قاتىستى سانكتسييالىق ريتوريكانىڭ كٷشەيۋٸ جەنە باسقا دا گەوساياسي فاكتورلار ەلەمدٸك ەكونوميكاعا قوسىمشا قىسىم جاسايدى. ٷشٸنشٸدەن, ەلەمدٸك قارجى جەنە تاۋار نارىقتارىنىڭ, ەلەمدٸك ەكونوميكانىڭ قارقىنى باياۋلاۋعا قاتىستى قاۋٸپتەنۋدٸڭ ٶسۋٸ اياسىندا مۇناي نارىعىنىڭ قۇبىلمالىعى. اقش-تاعى پرەزيدەنتتٸك سايلاۋ جەنە اقش تاراپىنان ىنتالاندىرۋ شارالارى پاكەتٸنٸڭ مٶلشەرٸ دە سىرتقى نارىقتار ٷشٸن ماڭىزدى تەۋەكەل-فاكتورلارىنىڭ بٸرٸ بولىپ قالۋدا», - دەدٸ بايماعامبەتوۆ.
وسى فاكتورلاردى ەسكەرە وتىرىپ, حالىقارالىق ۇيىمدار ٶز بولجامدارىن قايتا قارادى. بيىلعى 13 قازاندا حالىقارالىق ۆاليۋتا قورى (حۆق) 2020 جىلى ٸشكٸ جالپى ٶنٸمنٸڭ (ٸجٶ) كٷتٸلەتٸن تٶمەندەۋٸن 4,9 پايىزدان 4,4 پايىزعا دەيٸن 50 بازيستٸك تارماققا قايتا قارادى. دامىعان ەلدەر توبى بويىنشا 2020 جىلعا ارنالعان بولجام مينۋس 8 پايىزدان مينۋس 5,8 پايىزعا دەيٸن جاقسارعان. ال قازاقستان كٸرەتٸن دامۋشى ەلدەر بويىنشا بۇل كٶرسەتكٸش مينۋس 3 پايىزدان مينۋس 3,3 پايىزعا دەيٸن ٶزگەردٸ.
«ەلەمدٸك ەكونوميكانىڭ 2021 جىلدان باستاپ قالپىنا كەلۋٸ كٷتٸلەدٸ, ال داعدارىستان بٸرٸنشٸ بولىپ دامىعان ەلدەر شىعا باستايدى. تٶمەن بازا اياسىندا ەلەمدٸك ەكونوميكانىڭ ٶسۋٸ 2021 جىلى 5,2 پايىزعا جەتٸپ, ورتا مەرزٸمدٸ پەرسپەكتيۆادا 3,5 پايىزعا دەيٸن بٸرتٸندەپ باياۋلايدى. وسى جاعدايلاردا اعىمداعى جىلى ٷكٸمەت ٸجٶ-نٸڭ 2,1 پايىزعا قىسقارۋىن كٷتۋدە, بۇل مينۋس 2-دەن مينۋس 2,3 پايىز دەڭگەيٸندەگٸ ۇلتتىق بانكتٸڭ جاڭارتىلعان بولجامىنا سەيكەس كەلەدٸ», - دەدٸ ۇب ٶكٸلٸ.
ٸجٶ بويىنشا جاڭارتىلعان دەرەكتەردٸ جەنە نارىقتاعى قازٸرگٸ جاعدايدى ەسكەرە وتىرىپ, اقشا-كرەديت ساياساتى مەن تٶلەم بالانسى كٶرسەتكٸشتەرٸنٸڭ بولجامى ناقتىلاندى.
«قىركٷيەكتە قاتارىنان ەكٸ اي بويى ينفلياتسييانىڭ 7 پايىزدىق دەڭگەيدە تۇراقتانعانى بايقالادى. ازىق-تٷلٸك ينفلياتسيياسى نەگٸزگٸ ٷلەس قوسۋىن جالعاستىرۋدا. ول الدىڭعى ايمەن سالىستىرعاندا 0,1 پايىزعا تٶمەندەپ, بيىلعى قىركٷيەكتە 10,8 پايىزدى قۇرادى. ازىق-تٷلٸك ينفلياتسيياسى قۇرىلىمىندا ەت جەنە نان-توقاش ٶنٸمدەرٸ نارىقتارىندا باعا ٶسۋٸنٸڭ جىلدىق قارقىنى باياۋلاعانى بايقالدى. ماڭىزدى يمپورتتىق قۇرامى بار تاۋارلار توبىنىڭ باعاسى ٶسكەنٸ بايقالادى», - دەدٸ اقىلجان بايماعامبەتوۆ
ازىق-تٷلٸككە جاتپايتىن ينفلياتسييا كارانتين شارالارىنا جەنە ساۋدا وبەكتٸلەرٸنٸڭ جۇمىسىن شەكتەۋگە بايلانىستى تۇتىنۋشىلىق سۇرانىس تٶمەندەۋٸ اياسىندا 5,5 پايىز بولدى.
