قازاقستاندا كوروناۆيرۋستان بٸر كٷندە 152 ادام قايتىس بولدى. بۇل تۋرالى 15 تامىز كٷنٸ دەنساۋلىق ساقتاۋ مينيسترلٸگٸ حابارلادى.
32 ادام "كوۆيدتەكتەس پنەۆمونييادان" (كۆي-), 120 ادام پتر تەستٸمەن راستالعان كوروناۆيرۋستان كٶز جۇمعان.
ەكەۋٸن قوسا العاندا, الماتىدا 40, شىمكەنتتە 20, نۇر-سۇلتاندا 16, ماڭعىستاۋ وبلىسىندا 15 كٸسٸ قايتىس بولعان.
رەسمي ستاتيستيكا بويىنشا, ەلدە ٸندەت باستالعالى 11 602 ادام قايتىس بولعان. بٸراق بۇل ستاتيستيكاعا كوروناۆيرۋس جۇقتىرعان, بٸراق "ٶزگە اۋرۋدان قايتىس بولدى" دەگەن 2367 ادام كٸرمەيدٸ.
ەلدە كەيٸنگٸ ەكٸ اپتادا كٷن سايىن 8 مىڭعا جۋىق Covid ناۋقاسى تٸركەلٸپ جٷر. ماماندار مۇنى ەلەمگە تەز تاراعان "دەلتا" ۆاريانتىمەن بايلانىستىرادى. العاش رەت ٷندٸستاندا تٸركەلگەن بۇل ۆاريانت باستاپقى ۆيرۋسقا قاراعاندا جۇقپالىراق ەرٸ قاۋٸپتٸرەك سانالادى. قازاقستاندا بۇل ۆاريانت ماۋسىمنىڭ سوڭىندا تٸركەلگەن.
ٸندەت باستالعالى ەلدە بارلىعى 687 مىڭنان استام ادامنىڭ اناليزٸنەن كوروناۆيرۋس انىقتالعان. بيلٸك بۇدان بٶلەك پتر تەستٸ تەرٸس شىققان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن "كوۆيدتەكتەس پنەۆمونييانىڭ" ەسەبٸن جٷرگٸزٸپ كەلەدٸ. بۇل ەسەپ بىلتىر 1 تامىزدا باستالعان. سودان بەرٸ پنەۆمونييانىڭ بۇل تٷرٸمەن 65,6 مىڭ ادام تٸركەلگەن.
19 ميلليون حالقى بار قازاقستاندا ٷكٸمەت 10 ميلليون ادامعا ۆاكتسينا سالۋدى كٶزدەيدٸ. 1 اقپاندا باستالعان بۇل ناۋقان وسى كٷنگە دەيٸن 6 ميلليون 74 مىڭ ادامدى قامتىعان. ولار ۆاكتسينانىڭ كەمٸ بٸر كومپونەنتٸن سالدىرعان. ەكپەنٸ تولىق العانى – 4,7 ميلليون ادام.
