29 شٸلدەدە قازاقستاندا كوروناۆيرۋس بويىنشا تاعى دا رەكوردتىق كٶرسەتكٸش تٸركەلدٸ: 7778 ادامنىڭ كوروناۆيرۋس تەستٸ وڭ كٶرسەتتٸ. ٸندەت باستالعالى بەرٸ بٸر كٷندە وسىنشا كٶپ ناۋقاس انىقتالماعان. ودان بٶلەك, تاعى 304 ادام پنەۆمونييانىڭ كوروناۆيرۋسقا ۇقساس تٷرٸنە شالدىققان.
ەلدە ۆيرۋس ٶرشٸدٸ. دەنساۋلىق ساقتاۋ مينيسترلٸگٸنٸڭ ايتۋىنشا, ماۋسىم ايىمەن سالىستىرعاندا قازٸر اۋرۋ ٶسٸمٸ 5,2 پايىزعا ارتقان. ەسٸرەسە نۇر-سۇلتان, الماتى قالاسى جەنە قاراعاندى وبلىسىندا كٷن سايىن بۇرىن-سوڭدى بولماعان كٶرسەتكٸشتەر تٸركەلٸپ جاتىر.
بەيسەنبٸ كٷنٸ نۇر-سۇلتاندا – 1555, الماتى قالاسىندا – 1680, قاراعاندى وبلىسىندا 931 ادامنان كوروناۆيرۋس انىقتالدى. شىمكەنت پەن اتىراۋ وبلىسىندا بٸر تەۋلٸكتە 400-دەن استام ناۋقاس تابىلعان. قالعان وبلىستار مەن قالالاردا ورتاشا ەسەپپەن 150-300 تٶڭٸرەگٸندە ناۋقاس انىقتالىپ جٷر. قازٸر "سارى ايماقتا" تٷركٸستان وبلىسى عانا قالدى.
بٸر كٷن بۇرىن باس سانيتار دەرٸگەر ۆيرۋس قاتتى كٷشەيگەن ايماقتى "قانىق قىزىلمەن" بەلگٸلەۋ جٶنٸندە قاۋلى شىعارعان.
ەلدە كوروناۆيرۋسپەن بايلانىستى ادام ٶلٸمٸ كٶرسەتكٸشٸ جوعارى. 28 شٸلدەدە 101 ادام قايتىس بولعان: 80 ادام – كوروناۆيرۋستان, 21 ادام كوروناۆيرۋس پنەۆمونيياسىنان كٶز جۇمعان دەپ ايتىلادى.
بيلٸك ٸندەتتٸڭ ٶرشۋٸن دەلتا ۆاريانتتىڭ تاراۋىمەن بايلانىستىرادى. "دەلتا" كوروناۆيرۋستىڭ كەدٸمگٸ تٷرٸنە قاراعاندا جىلدام جۇعادى جەنە اسقىنۋى دا تەز. رەسمي مەلٸمەت بويىنشا, قازاقستاندا دەلتا ماۋسىم ايىندا تٸركەلگەن.
30 شٸلدەدەگٸ مەلٸمەت بويىنشا, 93 580 ادام كوروناۆيرۋس ينفەكتسيياسىنان (–91 133 + جەنە 2 447 كۆي-) ەمدەلۋدە. ولاردىڭ ٸشٸندە 26 408 پاتسيەنت ستاتسيوناردا, 67 172 ناۋقاس امبۋلاتورييالىق دەڭگەيدە ەم قابىلداپ جاتىر.
كۆي+, كۆي- شالدىققانداردىڭ اراسىندا:
1 639 ادامنىڭ جاعدايى اۋىر;
345 پاتسيەنتتٸڭ جاعدايى ٶتە اۋىر;
180 ناۋقاس ٶكپەنٸ جاساندى جەلدەتۋ اپپاراتىنا قوسىلعان.
28 شٸلدە كٷنگٸ مەلٸمەت بويىنشا, ەلدە اۋرۋحانالاردىڭ 53 پايىزى, رەانيماتسييالاردىڭ 43 پايىزى بوس ەمەس. بيلٸك اۋرۋحاناداعى ورىن تاپشىلىعى تۋرالى ايتا باستادى.
ٸندەت باستالعالى بەرٸ 564 مىڭنان استام ادامنىڭ كوروناۆيرۋس تەستٸ وڭ شىققان. بۇدان بٶلەك, پتر تەستٸ تەرٸس نەتيجە كٶرسەتٸپ, بٸراق اۋرۋ بەلگٸلەرٸ كوروناۆيرۋستىكٸنە ۇقسايتىن پنەۆمونييا ەسەبٸ بار. ٷكٸمەت بۇل ەسەپتٸ بىلتىر 1 تامىزدا باستاعان. سودان بەرٸ پنەۆمونييانىڭ بۇل تٷرٸنە 60 مىڭنان استام ادام شالدىققان.
2020 جىلدىڭ ناۋرىز ايىنان بەرٸ 5780 ادام كوروناۆيرۋستان قايتىس بولدى دەپ ايتىلادى. تامىز ايىنان بەرٸ كوروناۆيرۋس پنەۆمونيياسى 3697 ادامنىڭ ٶلٸمٸنە سەبەپ بولعان.
كەي ساراپشىلار كوروناۆيرۋس بويىنشا رەسمي مەلٸمەت تىم تٶمەندەتٸلگەن, شىن مەنٸندە ۆيرۋس جۇقتىرعاندار مەن ودان قايتىس بولعاندار ەلدەقايدا كٶپ دەپ سانايدى.
قازاقستاندا اقپان ايىنان بەرٸ حالىققا كوروناۆيرۋسقا قارسى ۆاكتسينا سالىنىپ جاتىر. سودان بەرٸ 5,3 ميلليون اسا ادام ۆاكتسينانىڭ بٸرٸنشٸ دوزاسىن العان. ەكپەنٸڭ تولىق دوزاسىن العاندار 3,6 ميلليوننان استى.
