ورتالىق ەۋروپا ەلدەرٸ كوروناۆيرۋس پاندەميياسىنىڭ ەكٸنشٸ تولقىنى اياسىندا ەپيدەمييالىق جاعدايدىڭ ناشارلاۋىنا بايلانىستى جاڭا شەكتەۋلەر ەنگٸزٸپ جاتىر, دەپ حابارلايدى "ۇلت اقپارات" Euronews-كە سٸلتەمە جاساپ.
سلوۆەنييادا ەل ازاماتتارىنا ون كٷن بويى ٶز اۋداندارى مەن قالالارىنان شىعۋعا تىيىم سالىندى. COVID-19-عا قاتىستى احۋال شيەلەنٸسكەن جاعدايدا ول ۇزارتىلۋى مٷمكٸن. سونداي-اق, ەل بيلٸگٸ بارلىق شۇعىل ەمەس مەديتسينالىق كٶمەك كٶرسەتۋدٸ ەكٸ اپتاعا توقتاتتى. سونىمەن قاتار, سەنبٸدەن باستاپ بارلىق مەيرامحانا, سۇلۋلىق سالونى مەن تۇرمىستىق قاجەتتٸلٸككە جاتپايتىن تاۋارلاردى ساتاتىن دٷكەندەر جابىلىپ, مەكتەپتەر قاشىقتان وقىتۋعا كٶشەدٸ.
چەحييا رەسپۋبليكاسىنىڭ بيلٸگٸ تاعى دا شەتەلدٸكتەردٸڭ ەلگە كٸرۋٸن توقتاتىپ, بارلىق ادامنىڭ ەل ٸشٸندە ەركٸن جٷرۋٸن شەكتەۋ قويدى. بۇل بٸر اپتا ٸشٸندە كوروناۆيرۋس جۇقتىرۋدىڭ جاڭا جاعدايلارىنىڭ سانى ەلدە رەكوردتىق دەڭگەيگە, 15 مىڭعا جەتكەننەن كەيٸن قابىلدانعان شەشٸم بولاتىن. سەرسەنبٸدەن باستاپ چەحييادا ساعات 9-دان تاڭعى 5-كە دەيٸن كومەندانتتىق ساعات ەنگٸزٸلەدٸ. تەك جۇمىس ٸستەيتٸندەر مەن مەديتسينالىق كٶمەك كٶرسەتۋ ٷشٸن ەرەكشە جاعدايلار قاراستىرىلعان.
سلوۆاكييا بيلٸگٸ كوروناۆيرۋسقا جالپىۇلتتىق تەستٸلەۋ جٷرگٸزٸلەتٸنٸن حابارلادى. ەلدٸڭ بارلىق حالقى, شامامەن 5,5 ميلليونعا جۋىق ادام وسى دەمالىس كٷندەرٸ تەكسەرٸلمەك. بۇعان دەيٸن سلوۆاكييا پرەمەر-مينيسترٸ اۋرۋدى ەڭ كٶپ جۇقتىرعان اۋدانداردا الدىن-الا تەستٸلەۋ سەتتٸ ٶتكەنٸن مەلٸمدەدٸ.
سونداي-اق, ماجارستاندا ٶلٸم كٶرسەتكٸشٸنٸڭ جاڭا رەكوردى تٸركەلدٸ. سەيسەنبٸ كٷنگٸ تاڭەرتەڭگٸ جاعداي بويىنشا بٸر تەۋلٸكتە 63 ادام كوروناۆيرۋستان كٶز جۇمعان. ولاردىڭ باسىم كٶپشٸلٸگٸ ەگدە جاستاعى ادامدار مەن سوزىلمالى اۋرۋلارى بار پاتسيەنتتەر. وسىلايشا كوروناۆيرۋستان بولعان ٶلٸم كٶرسەتكٸشٸنٸڭ سانى 1535 ادامعا جەتتٸ. ەلدە جالپى COVID-19 جۇقتىرۋدىڭ 63 مىڭنان استام جاعدايى تٸركەلگەن.
