20 قازاننان باستاپ كوروناۆيرۋسپەن كٷرەستە جٷرگەن مەديتسينا قىزمەتكەرلەرٸنە بٸررەتتٸك ەلەۋمەتتٸك تٶلەم بەرۋ توقتاتىلدى. بۇل تۋرالى قر دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ ايتتى, دەپ حابارلايدى قازاقپارات.
«COVID-19-بەن كٷرەس اياسىنداعى شارالارعا جۇمىلدىرىلعان مەديتسينا قىزمەتكەرلەرٸنٸڭ ايلىق جالاقىلارىنا ٸندەتتٸ جۇقتىرىپ الۋ تەۋەكەلٸ ٷشٸن ٷستەماقى تٶلەۋ جالعاسىپ جاتىر. پرەمەر-مينيستردٸڭ تاپسىرماسىمەن 20 قازاندا ٷكٸمەت جانىنداعى ۆەدومستۆوارالىق كوميسسييانىڭ كەزەكتٸ وتىرىسى ٶتٸپ, وندا مەديتسينا قىزمەتكەرلەرٸنە بٸررەتتٸك ەلەۋمەتتٸك تٶلەمدٸ اياقتاۋ تۋرالى شەشٸم قابىلداندى. اتاپ ايتقاندا, 20 قازاننان باستاپ قازٸرگٸ ۋاقىتتا جاسالعان بارلىق جاعدايدى ەسكەرە وتىرىپ, مەديتسينا قىزمەتكەرلەرٸنە ەلەۋمەتتٸك تٶلەم ٷشٸن جاڭا ٶتٸنٸمدەر قابىلداۋ توقتاتىلدى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
بٸرٸنشٸ ۆيتسە-مينيستردٸڭ ايتۋىنشا, قازٸرگٸ ۋاقىتتا تٶلەم الۋعا قۇقىلى مەديتسينا قىزمەتكەرلەرٸنٸڭ 421-ٸنە عانا اقشا اۋدارىلعان جوق. ولارعا قاتىستى مەسەلە ٶڭٸرلٸك كوميسسييا دەڭگەيٸندە رەسٸمدەلٸپ جاتىر. تٶلەم وسى جىلدىڭ 23 قازانىنا دەيٸن بەرٸلەدٸ.
«جۇمىس بارىسىندا اۋىرىپ قالعان جاعدايدا الداعى ۋاقىتتا قولداۋ شارالارى مەديتسينالىق ۇيىمداردىڭ نەمەسە كەسٸپوداق ۇيىمدارىنىڭ نە جەرگٸلٸكتٸ اتقارۋشى ورگانداردىڭ قاراجاتى ەسەبٸنەن كٶرسەتٸلەتٸن بولادى. بۇل مەديتسينا ۇيىمدارىنىڭ باسشىلارىن ٶزٸنٸڭ مەديتسينالىق قىزمەتكەرلەرٸن جەكە قورعانىش زاتتارىمەن قامتاماسىز ەتۋگە, سانيتارلىق-ەپيدەميولوگييالىق رەجيمنٸڭ ساقتالۋىنا باقىلاۋ جاساۋعا ىنتالاندىراتىن بولادى», - دەدٸ مارات شورانوۆ.
