قازاقستان كوروناۆيرۋس بويىنشا «جاسىل» ايماقتا نەمەسە تەۋەكەلٸ تٶمەن ايماقتا تۇر. «قىزىل» نەمەسە قاۋٸپتٸ اۋماقتا ەكٸ ٶڭٸر بار. ولار – سولتٷستٸك قازاقستان جەنە پاۆلودار وبلىستارى. بۇل تۋرالى قر دەنساۋلىق ساقتاۋ ۆيتسە-مينيسترٸ, باس مەملەكەتتٸك سانيتارلىق دەرٸگەر ەرلان قيياسوۆ وكق بريفينگٸندە مەلٸمدەدٸ.
«الدىڭعى اپتامەن سالىستىرعاندا «قىزىل» ايماقتان «سارى» ايماققا قوستاناي جەنە اقمولا وبلىستارى اۋىستى. «سارى» ايماقتا الماتى, نۇر-سۇلتان قالالارى, شقو جەنە اتىراۋ وبلىستارى تۇر. «سارى» ايماقتان «جاسىل» ايماققا بقو اۋىستى. قالعان ٶڭٸرلەر «جاسىل» ايماقتا. ٶتكەن ەكٸ اپتا ٸشٸندە كوروناۆيرۋسپەن اۋىرعاندار سانى 10 پروتسەنت ٶستٸ», - دەدٸ. ەلٸمٸزدە ٶتكەن تەۋلٸكتە كوروناۆيرۋس ينفەكتسيياسىن جۇقتىرعان 777 جاعداي تٸركەلدٸ.
پاۆلودار وبلىسىنىڭ اقسۋ قالاسىنداعى قارتتار ٷيٸندە 65 ادامنان كوروناۆيرۋس ٸندەتٸ انىقتالدى. اۋرۋى راستالعان 33 جان سونداعى جۇقپالى اۋرۋلار اۋرۋحاسىنا جاتقىزىلعان. قالعان 27 ادام دەرٸگەرلەردٸڭ باقىلاۋىندا. بٸر ناۋقاستىڭ جاعدايى اۋىر. بۇعان قوسا قارتتار ٷيٸنٸڭ 11 قىزمەتكەرٸ ٸندەت جۇقتىرعانى بەلگٸلٸ بولدى. جالپى قارتتار ٷيٸندە 150 ادام تۇرادى. ولاردىڭ بەرٸنەن پتر سىناما الىنعان. بۇل جاعداي وبلىستىق دەنساۋلىق ساقتاۋ باسقارماسىنىڭ ەرەكشە باقىلاۋىندا. قارييالاردىڭ جاپپاي ٸندەت جۇقتىرۋىنا ناقتى قانداي سەبەپ بولعانىن دٶپ باسىپ ەشكٸم ايتا المايدى. جالپى وبلىس بويىنشا كوروناۆيرۋسقا شالدىققاندار سانى 7 مىڭ 212 ادامعا جەتتٸ. ناۋرىز ايىنان بەرٸ ەسەپتەگەندە ۆيرۋستىق ينفەكتسييادان 62 ادام كٶز جۇمدى. سونىمەن قاتار, پاۆلودار وبلىسىندا قوعامدىق كٶلٸكتەردە سانيتارلىق تالاپتار كٷشەيەدٸ. سەبەبٸ جولاۋشىعا لىق تولى اۆتوبۋستار سانى ەلٸ دە بارشىلىق. ال بۇل كوۆيد جۇقتىرۋ بويىنشا قىزىل ايماققا كٸرٸپ وتىرعان ٶڭٸردەگٸ جاعدايدى ودان ەرٸ ۋشىقتىرارى انىق. سوندىقتان مونيتورينگتٸك توپ ٶكٸلدەرٸ جولاۋشى تاسىمالىمەن اينالىساتىن كٶلٸك يەلەرٸ اراسىندا تٷسٸندٸرۋ جۇمىستارى مەن تەكسەرٸستٸ قاتاڭ قولعا الدى.
الماتىنىڭ دەرٸ-دەرمەك قورىندا 8 ميلليون دەرٸ بار. بۇل 68 اتاۋ بويىنشا جەنە جەكە قورعانۋ قۇرالدارىنىڭ ەكٸ ايعا جەتەتٸن مٶلشەرٸ بار. بۇل تۋرالى الماتى قالاسىنىڭ ەكٸمٸ باقىتجان ساعىنتاەۆ ايتتى. ونىڭ ايتۋىنشا, بۇل ماقساتقا 10 ميلليارد تەڭگە بٶلٸندٸ: ەمحانالار مەن دەرٸحانالاردى دەرٸ-دەرمەكپەن قامتاماسىز ەتۋگە شامامەن 5 ميلليارد تەڭگە بٶلٸنەدٸ. سونداي-اق باقىتجان ساعىنتاەۆ قالادا شەكتەۋ شارالارىن كٷشەيتە الاتىن جاعدايلاردى اتاپ ٶتتٸ. بۇل كوروناۆيرۋس جۇقتىرىپ, اۋرۋحاناعا جاتقىزىلعانداردىڭ كٶرسەتكٸشٸنە بايلانىستى دەدٸ. مەگاپوليستە پاندەمييانىڭ جاڭا تولقىنىنا 7000 تٶسەكتەن اساتىن 23 ستاتسيونار دايىندالدى. ونىڭ ٸشٸندە 250-ٸ رەانيماتسييالىق. كلينيكالاردىڭ ماتەريالدىق-تەحنيكالىق بازاسىن نىعايتۋ ٷشٸن بيىل 4 مىڭنان استام جابدىق ساتىپ الىندى. ونىڭ ٸشٸندە 236 ٶكپەنٸ جاساندى جەلدەتۋ اپپاراتتارى بار.
الماتىدا جاڭاجىلدىق ساۋىق كەشتەرٸ مەن توي-دۋمانعا رۇقسات جوق. كٷز ايلارىنان بەرٸ قاۋٸپتٸ دەرتكە 1600-دەن استام ادام شالدىققان. «سىرقاتتانۋشىلار اراسىندا 20-40 جاس ارالىعىنداعى تۇرعىندار دا جيٸ كەزدەسەدٸ», - دەدٸ قالانىڭ باس سانيتارلىق دەرٸگەرٸ جانداربەك بەكشين. كارانتين تەرتٸبٸن قاتاڭداتۋ ماقساتىندا بٸرشاما شارالار قولعا الىنعان. ٸرٸ ساۋدا-ساتتىق ورىندارى سەنبٸ كٷنٸ تەك كەشكٸ ساعات 17:00-گە دەيٸن اشىق. ال, جەكسەنبٸدە جابىق بولادى. دەگەنمەن, مەرەكە قارساڭىندا ساۋدا ورتالىقتارى مەن گيپەرماركەتتەردٸڭ تەۋلٸك بويى جۇمىس ٸستەۋ مەسەلەسٸ قاراستىرىلىپ جاتىر. جالپى قالادا كارانتيندٸك شەكتەۋدٸ ەلەمەگەندەرگە 780 ەكٸمشٸلٸك قۇقىق بۇزۋشىلىق تۋرالى حاتتاما تولتىرىلىپ, 13 ٸس سوتقا جولدانعان.
ٶتكەن جەكسەنبٸدە ەل اۋماعىنا 22 حالىقارالىق رەيسپەن 2860 ادام ۇشىپ كەلدٸ. ولاردىڭ 532-ٸنٸڭ قولىندا پتر انىقتاما بولماي شىقتى. اتاپ ايتساق, نۇر-سۇلتان ەۋەجايىندا 271, الماتىدا 200, ورالدا 61 جولاۋشى انىقتالىپ, تەسكەرٸستەن ٶتۋٸ ٷشٸن كارانتيندٸك ستاتسيونارعا جاتقىزىلدى. دەگەنمەن, بۇل ازاماتتار جاساتقان تەست ەشقانداي ينفەكتسييا بەلگٸلەرٸ جوق ەكەنٸن كٶرسەتتٸ, دەپ حابارلايدى سانيتارلىق-ەپيدەميولوگييالىق باقىلاۋ كوميتەتٸ.
قوستاناي, رۋدنىي جەنە جٸتٸقارا قالالارىندا سانيتارلىق بەكەتتەر الىندى. بٸراق كٶرشٸ وبلىستار مەن رەسەي ەلٸمەن شەكاراداعى شەكتەۋلەر ساقتالا بەرەدٸ. باس سانيتار دەرٸگەردٸڭ قاۋلىسىمەن ايماقتا كارانتين شارالارى جەڭٸلدەدٸ. بۇدان بىلاي قوعامدىق تاماقتانۋ نىساندارىنىڭ جۇمىسى ساعات كەشكٸ 23:00-گە دەيٸن ۇزارتىلادى. قالالىق اۆتوبۋستار مەن تاكسي وسى ۋاقىتقا دەيٸن قاتىناي الادى. فيتنەس, اكۆا, تەرموپارك, شيپاجايلار مەن دەمالىس ورىندارى 30 پروتسەنتتٸك مەجەمەن جۇمىس ٸستەيدٸ. دەگەنمەن بۇلاردىڭ بەرٸ دەمالىس جەنە مەرەكە كٷندەرٸ قىزمەت كٶرسەتە المايدى. تۇرعىندارعا كەشكٸ ساعات 23:00-دەن تاڭعى 6:00-گە دەيٸن كٶشەگە شىعۋعا ەلٸ دە تىيىم سالىنعان. مۇنداي شەكتەۋ 14 جەلتوقسانعا دەيٸن ساقتالادى.
قاراعاندى وبلىسىنداعى ٸرٸ ساۋدا ورىندارى دەمالىس جەنە مەرەكە كٷندەرٸ دە اشىق بولادى. تەك كەسٸپكەرلەر بارلىق سانيتارلىق تالاپتى ساقتاي وتىرىپ, كەشكٸ ساعات 17:00-گە دەيٸن جۇمىس ٸستەي الادى. بۇل شەكتەۋدٸڭ ازىق-تٷلٸك دٷكەندەرٸ مەن دەرٸحانالارعا قاتىسى جوق. ال بالالاردىڭ ويىن ورتالىقتارى ەلٸ دە جابىق. وبلىستىڭ باس سانيتار دەرٸگەرٸنٸڭ جاڭا قاۋلىسى جەكسەنبٸدەن باستاپ كٷشٸنە ەنەدٸ. ايتا كەتۋ كەرەك, قازٸر قاراعاندى وبلىسىندا ەپيدەميولوگييالىق احۋال تۇراقتى.
اقتٶبە وبلىسىنداعى ساۋدا ورىندارى دا جەكسەنبٸ كٷنٸ جۇمىس ٸستەيدٸ. باس سانيتارلىق دەرٸگەردٸڭ قاۋلىسى الداعى جۇمادان باستاپ كٷشٸنە ەنەدٸ. سونداي-اق جانارماي بەكەتتەرٸ, تەحنيكالىق قىزمەت كٶرسەتۋ ورتالىقتارى, اياق-كيٸم, تٸگٸن شەبەرحانالارى مەن حيمييالىق تازالاۋ قىزمەتٸ دە ٶزدەرٸنٸڭ ٸشكٸ تەرتٸپتەرٸنە سەيكەس جۇمىس ٸستەي الادى. تاماق جەتكٸزۋمەن اينالىساتىن فۋدكورتتاردىڭ قىزمەتٸنە دە رۇقسات. ال, مەكتەپكە دەيٸنگٸ ۇيىمدار كەزەكشٸ توپتارعا 20 بالاعا دەيٸن قابىلداي بەرەدٸ. دەگەنمەن, جاڭا جىلعا وراي كٶپشٸلٸككە ارنالعان ٸس-شارالار, بالاباقشالاردا كەشتەر ٶتكٸزۋگە بولمايدى.
