25 جاستاعى پاتسيەنت نيۋ-يورك-مەسكەۋ-الماتى رەيسٸمەن ۇشىپ كەلگەن. بۇل تۋرالى الماتىداعى ەپيدەميولوگييالىق احۋال تۋرالى قالالىق قوعامدىق دەنساۋلىقتى ساقتاۋ باسقارماسىنىڭ باسشىسى تٸلەۋحان ەبٸلداەۆ ونلاين بريفينگ كەزٸندە ايتتى, دەپ حابارلايدى "ۇلت اقپارات".
ونىڭ ايتۋىنشا, جاڭادان انىقتالعان پاتسيەنتتەردٸڭ بٸرٸ — 25 جاستاعى ناۋقاس 21 ناۋرىزدا نيۋ-يورك - مەسكەۋ - الماتى رەيسٸمەن ۇشىپ كەلگەن.
«ال قالعان ادامدار كۆي راستالعان ادامدارمەن بايلانىستا بولعاندار. بارلىق پاتسيەنتتەردٸڭ جاي-كٷيٸ قاناعاتتانارلىق. قالالىق كلينيكالىق جۇقپالى اۋرۋلار اۋرۋحانالارىندا قازٸر 40 پاتسيەنت بار, ونىڭ ٸشٸندە ەكەۋٸ – بالا. 38 پاتسيەنتتٸڭ جاي-كٷيٸ – قاناعاتتانارلىق, 1 بالانىڭ جاعدايى ورتاشا دەرەجەدە, بٸرەۋٸندە – جاعدايى اۋىر, ەنتٸگۋٸنە بايلانىستى ٶكپەنٸ جاساندى جەلدەتۋ اپپاراتىندا جاتىر. بٷگٸندە پروۆيزورلىق گوسپيتالداردا كارانتيندە 938 ازامات, ونىڭ ٸشٸندە 56 بالا بار. كارانتيندەگٸ بارلىق ادامنىڭ تەمپەراتۋراسى قالىپتى جاعدايدا», - دەدٸ تٸلەۋحان ەبٸلداەۆ.
