چەرنوبىل اتوم ەلەكتر ستانتسيياسىنىڭ بۇرىنعى ديرەكتورى ۆيكتور بريۋحانوۆ قايتىس بولدى, دەپ حابارلايدى ازاتتىق.
ول ستانتسيياعا نىسان سالىنعالى بەرٸ جەتەكشٸلٸك ەتٸپ, 1986 جىلدىڭ 26 سەۋٸرٸندەگٸ ٸرٸ اپاتقا دەيٸن باسقارعان.
بريۋحانوۆ 84 جاسىندا دٷنيەدەن ٶتتٸ. ونىڭ قازاسى جٶنٸندە حابارلامانى چەرنوبىل اەس باسپاسٶز قىزمەتٸ تاراتتى.
"كەسٸپورىن ۇجىمى مەن ەكٸمشٸلٸگٸ مارقۇمنىڭ تۋىستارى مەن جاقىندارىنا قايعىرىپ كٶڭٸل ايتادى" دەلٸنگەن حابارلامادا.
بريۋحانوۆتىڭ قاي جەردە, قانداي جاعدايدا قايتىس بولعانى بەلگٸسٸز. ونىڭ كيەۆتە تۇرعانى بەلگٸلٸ.
ۆيكتور بريۋحانوۆ چەرنوبىل اتوم ەلەكتر ستانتسيياسىنا نىسان سالىنعانعا دەيٸن ياعني, 1970 جىلى باسشى بولىپ تاعايىندالعان. ەۋەلٸ نىسان قۇرىلىسىنا جەتەكشٸلٸك ەتتٸ, كەيٸن ستانتسييانى دا باسقاردى. اتوم ەلەكتر ستانتسيياسىنىڭ تٶرتٸنشٸ ەنەرگوبلوگى جارىلىپ, اەس تاريحىندا ەڭ ٸرٸ اپات بولعان كەزدە ول باسشىلىقتان شەتتەتٸلدٸ. كەيٸن سوتقا تارتىلىپ, ون جىلعا باس بوستاندىعىنان ايىرىلدى. ٷكٸم شىققاننان كەيٸن بەس جىلدان سوڭ – 1992 جىلى مەرزٸمٸنەن بۇرىن بوساپ شىقتى.
جارىلىس بولعاننان كەيٸن العاشقى ساعاتتاردا بريۋحانوۆ اپاتتىڭ اۋقىمىن دۇرىس باعالاماعان. مۇنى ونىڭ سوۆەت باسشىلىعىنا بەرگەن تٷسٸنٸكتەمەلەرٸنەن ايقىن بايقاۋعا بولادى. بيىل سەۋٸر ايىندا ۋكراينا قاۋٸپسٸزدٸك قىزمەتٸ چەرنوبىل اپاتىنا بايلانىستى قۇپييا قۇجاتتاردى جارييالاعان. اراسىندا بريۋحانوۆتىڭ بايانداماسى دا بار. ول سول كەزدە پريپيات قالاسىندا جاعداي قالىپتى, رادياتسييا دەڭگەيٸ باقىلاۋدا دەپ جازعان.
بريۋحانوۆ ەلەمگە تانىلعان "چەرنوبىل" (2019) مينيسەريالىنىڭ كەيٸپكەرٸنە اينالدى. ونىڭ رٶلٸن اكتەر كون و'نيل سومداعان.
