چەحييادا 8-9 قازان كٷندەرٸ ٶتكەن پارلامەنت سايلاۋىندا قازٸرگٸ پرەمەر-مينيستر اندرەي بابيشتٸڭ قارسىلاستارى جەڭٸسكە جەتتٸ.
داۋىستار تٷگەل سانالعان سوڭ بٸرٸنشٸ ورىنعا "بٸرگەمٸز" (SPOLU) كواليتسيياسى شىقتى. وعان وپپوزيتسييادا جٷرگەن ٷش وڭشىل-تسەنتريستٸك پارتييا كٸرگەن. كواليتسييا داۋىستىڭ 28 پايىزىن العان. بابيشتٸڭ قوزعالىسى ودان سەل از داۋىس الىپ, ەكٸنشٸ ورىننان تابىلدى.
ٷشٸنشٸ ورىندا – سولشىل-تسەنتريستٸك وپپوزيتسييا كواليتسيياسى. پارلامەنتكە بۇلاردان بٶلەك توميو وكامۋرا باستاعان وڭشىل پوپۋليستەر دە ٶتٸپ وتىر. كوممۋنيستٸك پارتييا بەس پايىزدىق مەجەدەن اسا الماي, العاش رەت پارلامەنتكە ٶتە الماي قالدى.
ەكٸ وپپوزيتسييالىق كواليتسييانىڭ ليدەرلەرٸ جاڭا ٷكٸمەتتٸ بابيشسٸز قۇرۋ جٶنٸندە كەلٸسسٶز جٷرگٸزەتٸنٸن مەلٸمدەپ ٷلگەردٸ. ەكٸ كواليتسييادا ٷكٸمەتتٸ جاساقتاۋعا جەتەرلٸك ماندات بار. پرەمەر قىزمەتٸنە كەلۋٸ مٷمكٸن ادامداردىڭ قاتارىندا ازاماتتىق دەموكراتييالىق پارتييانىڭ ليدەرٸ پەتر فيالا بار.
چەحييا پرەزيدەنتٸ ميلوش زەمان سايلاۋدان كەيٸن جەڭٸمپاز پارتييانىڭ ليدەرٸنە ٷكٸمەتتٸ جاساقتاۋدى تاپسىرۋى تيٸس. سايلاۋدىڭ الدىندا ول بابيشتٸڭ قوزعالىسىن قولدايتىنىن جاسىرماعان.
تەورييا تۇرعىسىنان, زەمان ٷكٸمەت جاساقتاۋدى ەلٸ دە بابيشكە تاپسىرا الادى. بٸراق بايقاۋشىلاردىڭ بولجامىنشا, پرەمەردٸڭ كواليتسيياداعى ەرٸپتەستەرٸ تاراپىنان قولداۋ تابۋى ەكٸتالاي.
ٸرٸ كەسٸپكەر بابيشتٸڭ پرەمەر-مينيستر قىزمەتٸ داۋعا تولى بولدى. ونىڭ سوڭعىسى سايلاۋعا ساناۋلى كٷن قالعاندا باستالدى. وعان "پاندورا قۇجاتتارى" دەيتٸن جۋرناليستٸك زەرتتەۋ تٷرتكٸ بولدى.
ٷكٸمەتتٸ جاساقتاۋى مٷمكٸن دەگەن وپپوزيتسييالىق پارتييالار كرەمل ساياساتىنا سەنٸمسٸزدٸكپەن قارايدى. پارتييالاردىڭ ليدەرلەرٸ بابيش ٷكٸمەتٸن رەسەيدەگٸ ادام قۇقىعىن قورعاۋ ٸسٸندە جەنە چەحييا مەن ونىڭ وداقتاستارىن گيبريدتٸ قاۋٸپتەردەن قورعاۋدا بٸرٸزدٸ ساياسات ۇستانا المادى دەپ ايىپتاعان.
