جەكسەنبٸ, 28 قاراشادا چەحييادا پرەزيدەنتتٸڭ ەكٸ رەسمي رەزيدەنتسيياسىنىڭ بٸرٸ لانا سارايىندا پرەمەر-مينيستر پەتر فيالانى تاعايىنداۋ رەسٸمٸ ٶتتٸ.
فيالا پوپۋليستٸك انو پارتيياسىمەن رەسپۋبليكانى 8 جىل باسقارعان وليگارح اندرەي بابيشتەن باسىپ وزدى.
زەمان فيالانى 26 قاراشادا تاعايىنداۋى تيٸس بولعان, بٸراق كوروناۆيرۋسقا بايلانىستى شۇعىل تٷردە اۋرۋحاناعا ەكەتٸلگەن. 77 جاستاعى زەماننىڭ دەنساۋلىعى ناشارلاعان.
چەحييا پرەزيدەنتٸ سايتىنىڭ حابارلاۋىنشا, ٷكٸمەت جەتەكشٸسٸن تاعايىنداۋ رەسٸمٸندە كونستيتۋتسييادا جازىلعان تٶتەنشە جاعداي تالاپتارى مەن سانيتارلىق شەكتەۋلەردٸڭ بارلىعى ساقتالعان.
مٷگەدەكتەر ارباسىندا وتىرعان پرەزيدەنتتٸ زالعا جينالعانداردان ەينەك قابىرعا بٶلٸپ تۇردى. مەملەكەت باسشىسى سول جەردە رەسٸمدٸ قاداعالاپ وتىردى.
شاراعا قاتىسۋشىلار FFP3 ساناتىنا كٸرەتٸن رەسپيراتور تاعىپ كەلدٸ, ال زالداعى زاتتاردىڭ بارلىعى زالالسىزداندىرىلىپ, جەلدەتٸلدٸ.
ليبەرال-كونسەرۆاتيۆتٸك كٶزقاراستاعى پەتر فيالا – 57 جاستا. 2012 جىلدىڭ مامىرى مەن 2013 جىلدىڭ شٸلدە ارالىعىندا بٸلٸم, جاستار جەنە دەنە شىنىقتىرۋ مينيسترٸ بولدى. اكادەمييالىق ورتادا برنو قالاسىنداعى ماساريكوۆ ۋنيۆەرسيتەتٸنٸڭ بۇرىنعى رەكتورى جەنە پرورەكتورى رەتٸندە تانىمال.
كاتوليك دٸنٸن ۇستاناتىن فيالا شٸركەۋگە جيٸ بارادى. ول چەحوسلوۆاكييانىڭ بٸرٸنشٸ پرەزيدەنتٸ توماش ماساريك كەزەڭٸنەن بەرٸ جوعارى لاۋازىمعا تاعايىندالعان العاشقى ۋنيۆەرسيتەت وقىتۋشىسى. ٷيلەنگەن, ٷش بالاسى بار.
