چەحييا پرەزيدەنتٸ ميلوش زەمان دەنساۋلىعىنا بايلانىستى مٸندەتٸن اتقارا الماي وتىر, ونىڭ جۇمىس كابينەتٸنە ورالۋى نەعايبىل.
مۇنداي اقپارات ورتالىق ەسكەري گوسپيتالدان تاراپ جاتىر. پرەزيدەنتتٸڭ ٶزٸ بٸر اپتادان استام ۋاقىتتان بەرٸ وسى اۋرۋحانانىڭ جانساقتاۋ بٶلٸمٸندە جاتىر. بۇل حاباردى دٷيسەنبٸ كٷنٸ چەحييا پارلامەنتٸ جوعارعى پالاتاسىنىڭ (سەنات) تٶراعاسى ميلوش ۆىسترچيل دا ايتتى. ول پرەزيدەنت مٸندەتٸن باسقا باسشىلارعا بەرۋدەن باسقا امال جوق دەدٸ.
سەنات تٶراعاسى چەحييا كونستيتۋتسيياسىنا سەيكەس, پرەزيدەنت ٶكٸلەتتٸگٸن ۋاقىتشا باسقا ادامعا ٶتكٸزۋ مەسەلەسٸ قارالاتىنىن مەلٸمدەدٸ.
الايدا پرەزيدەنت زەماننىڭ جاقتاستارى, ول اۋرۋىنا قاراماستان قىزمەتٸن اتقارا الادى دەپ, ونىڭ ساياسي قارسىلاستارىن سىناپ جاتىر.
ميلوش زەماننىڭ ٶزٸ بٸر ايدان استام ۋاقىت كٶپشٸلٸك الدىنا شىقپادى. مەلٸمەتكە قاراعاندا, ول پارلامەنت سايلاۋىنان كەيٸن-اق اۋرۋحاناعا تٷسكەن. سايلاۋدا ونىڭ وداقتاسى, پرەمەر-مينيستر اندرەي بابيش جەڭٸلگەن بولاتىن. ال جاڭا پرەمەر-مينيستردٸ پرەزيدەنت تاعايىنداۋى كەرەك.
پرەزيدەنت ٶكٸلەتتٸگٸن ٶزگە ادامعا بەرۋ ٷشٸن پارلامەنت داۋىس بەرۋٸ تيٸس.
زەماننىڭ دياگنوزى ناقتى ايتىلمايدى. زاڭعا سەيكەس, ونى ناۋقاستىڭ ٶزٸ جارييالاۋى تيٸس. بٸراق بٸرقاتار باسىلىمدار دەرەككٶزٸنە سٸلتەمە جاساپ, 77 جاستاعى پرەزيدەنتتٸڭ باۋىر ەنتسەفالوپاتيياسىمەن اۋىراتىنىن حابارلادى. بۇل كەسەل بٸردەن مي قىزمەتٸن ٸستەن شىعاراتىن كٶرٸنەدٸ.
