فرانتسۋزدىڭ اتىشۋلى ساتيرا جۋرنالى Charlie Hebdo ٶز سايتىندا رەسەيلٸك تۋ-154 اپاتى جايلى كاريكاتۋرا جارييالادى. ۇشاق بورتىندا الەكساندروۆ اتىنداعى انسامبلدٸڭ ەرتٸستەرٸ بولعان ەدٸ.
سۋرەتتە قۇلاپ بارا جاتقان ۇشاق جەنە ونىڭ ٸشٸندەگٸ "ا-ا-ا-ا" دەپ تۇرعان ەسكەري بار.
"ەسكەري حوردىڭ رەپەرتۋارى كەڭەيٸپ جاتىر", - دەلٸنگەن كاريكاتۋراداعى جازبادا.
ەسكە سالايىق, رف قورعانىس مينيسترلٸگٸنٸڭ ۇشاعى جەكسەنبٸدە, 25 جەلتوقساندا تاڭعى ۋاقىتتا اپاتقا ۇشىراعان بولاتىن. لاينەردٸڭ بورتىندا 92 ادام بولعان. ولاردىڭ ٸشٸندە, الەكساندروۆ اتىنداعى انسامبلدٸڭ 68 مۋزىكانتى, باق-تاردىڭ 9 ٶكٸلٸ ("زۆەزدا" تەلەارناسى, نتۆ جەنە پەرۆىي كانال), الىپ كەلە جاتقان 6 ادام جەنە ەكيپاجدىڭ 8 مٷشەسٸ بار.
ريا نوۆوستي مەلٸمەتٸنشە, تۋ-154 ۇشىپ شىققاننان كەيٸن جەتٸ مينۋت ٶتكەندە اپاتقا ۇشىراعان. ۇشاق قارا تەڭٸزدٸڭ اناپا جاعالاۋىنا جاقىن ماڭدا قۇلاعان. لاينەردٸڭ قيراندىسى بٸر جارىم شاقىرىمعا شاشىلعان, ولار 50-100 مەتر تەرەڭدٸكتە. وسىعان بايلانىستى 26 جەلتوقسان - رەسەيدە جالپىۇلتتىق قارالى كٷن بولىپ جارييالاندى.
